Bela Dei gracia Hungarie, Dalmacie, Croaeie, Rame, Seruie, Gallicie, Lodomerie, Cumanieque Rex omnibus tam presentibus quam futuris presentes litteras inspecturis salutem in omnium Saluatore. Ad vniuersorum noticiam harum serie uolumus peruenire: Quod nos inherentes felicibus Sacratissimi Regis Stephani progenitoris nostri vestigiis et priuilegium libertatis seu exempcionis populis monasterii Sancti Martini de Sacro Monte Pannonie ab ipso Sancto Rege Stephano pie et salubriter ab antiquo concessum ex specialis dileccionis fauore, quo predictum monasterium Sancti Martini pre ceteris monasteriis et Ecclesiis Regni nostri amplexamur, ad quosdam alios ejusdem monasterii populos extendentes, villam seu terram ipsius monasterii Dijenus nuncupatam in Comitatu Posoniensi in Chyalloukuz existentem ad instar predicti priuilegii Sancti Regis a jurisdiccione Comitis 197Seu Curialis Comitis Pusoniensis qui pro tempore fuerint, in omnibus et per omnia perpetuo duximus eximendam. Itaque de cetero populi in eadem villa seu terra Dijenus existentes nec racione furti, nec racione decimarum, nec racione monete aut aliquo alio modo judicio predicti Comitis vel Curialis Comitis Posoniensis adstare teneantur vel compelli possint ant debeant ullo modo, sed nostro tantum judicio debeant subjacere. In cujus rei memoriam firmitatemque perpetuam presentes dedimus litteras dupplicis sigilli nostri munimine roboratas. Datum per manus magistri Demetrii Albensis Ecclesie Prepositi Aule nostre Vice-Canceliarii dilecti et fidelis nostri. Anno Dominice Incarnacionis millesimo ducentesimo sexagesimo nono, decimo Kalendas Aprilis Regni autem nostri anno trigesimo quarto.

(Mátyás király 1468-ki, és II. Ulászló király 1510-ki átirataiból.)