Bela Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanieque Rex omnibus tam presentibus quam futuris presentes litteras inspecturis salutem in omnium Saluatore. Regalis pietatis prouidencia uniuersis vniuersaliter et singulis singulariter, non solum maioribus, verum eciam et minimis abes se non de bet in suis iuribus, sed adesse; ita quod unicuique reddens quod suum est, bone rei dans consultum, et temporalem remuneracionem et eternorum reportet augmentum merito premiorum. Hinc est, quod ad uniuersorum tam presencium quam futurorum noticiam harum serie volumus peruenire, quod populos condicionarios Ecclesie Beati Martini de Sacro Monte Pannonie in 198Regno nostro vbicunque existentes, per diuersarum tailiarum et collectarum exactores et collectores contra suam consuetam libertatem multipliciter aggrauatas, voluimus et volumus releuare, ita quod quascunque tallias, exacciones et collectas per Regnum nostrum, sieut consuevimus, faciemus, ipsi nonnisi dimidiam collectam soluere teneantur, siue fuerint in denariis siue in victualibus siue in aliis; dummodo sint collecte, non referat, quocunque nomine censeantur. In cuius rei memoriam firmitatemque perpetuam presentes concessimus litteras duplicis sigilli nostri munimine roboratas. Datum per manus magistri Demetrii Albensis Prepositi aule nostre Vice Cancellarii dilecti et fidelis nostri, anno Domini M°- CC°- LX°nono, tercio Kalendas Nouembris, Regni autem nostri anno trigesimo quarto.

(Eredetie a sz. mártoni föapátság levéltárában.)