Nos Stephanus Dei gracia Rex Hungarie significamus collectoribus in Comitatu Vesprimiensi constitutis, Comiti curiali et jobagionibus castri eiusdem tenore presencium vniuersis, quod cum causa devocionis diuertissemus Ecclesiam Beati Martini de Sacro Monte Pannonie preciosi Christi confessoris visitare, venerabilis vir Bonifacius Abbas et fratres eiusdem Ecclesie condicionarios populos suos ac alios omnes per diuersos collectarum exactores miserabiliter fuisse aggrauatos nobis conquerendo significare curarunt, petentes vt propter anime nostre salutem ipsis populis sic miserabiliter aggrauatis et afflictis releuacionis remedium ex suscepte sollicitudinis officio adhibere degnaremur, priuilegium Sancti Regis Stephani predecessoris nostri exhibendo. Caius tenore perlecto, quia comperimus euideuter et fide oculata inspeximus in eodem, ex forma indulti eiusdem sanctissimi predecessoris nostri ipsum monasterium et Ecclesie populum ab omni inquietudine semotum; nos eiusdem sanctissimi Regis Stephani felicibus vestigiis inherentes concessimus statuendo, quod quemadmodum a judicio et potestate ac jurisdiccione omnium judicum, et vuiueraorum judicum parochialium seu vicejudicum ac curialium comitum eorundem ex forma priuilegii supra dicti expediti sunt penitus et exempti; ita eciam a vexacionibus, molestiis, inquietacionibus et grauaminibus, que per collectores tam victualium quam denariorum seu quarumlib et aliarum manierum possent eis imponi, mandari et iuberi, expediti habeantur penitus, more populorum Ecclesie Albensis, et exempti; ita tamen, quod svnquam in Regno nostro generaliter, vel in aliquibus proi uinciis siue /Comitatibus, in quibus fuerint populi monasterii supra dicti, specialiter collectam aliquam in denariis, lignis 230aut victualibus, sicut consuetum est, facere nos contingat, Abbas monasterii eiusdem, quicunque fuerit pro tempore, aut Decanus, vel aliqui maiores vel pociores de fratribus siue officiales ipsius ad nos personaliter accedere debeant, recepturi et audituri ac facturi ordinacionem nostram, quam super facto collectarum huiusmodi facere et ordinare nobis videbibitur iuxta qualitatem temporis cum eisdem de misericordie lenitate, ne populo ipsius Ecclesie per grauamina huiusmodi ad nimiam paupertatem et exinanicionem vite extremam redacto, in ea per subtraccionem alimentorum Diuine laudis organa suspendantur. Vnde volumus et fidelitati vestre precipimus firmiter et stricte, quatenus populos eiusdem monasterii vltra id nullus vestrum debeat vel presumat molestare, nec aliter facere presumatis. Datum apud monasterium Sancti Martini in octaua Omnium Sanctorum anno Domini millesimo ducentesimo septuagesimo.

(Eredetie a sz. mártoni főapátság levéltárában.)