Stephanus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus presens scriptum inspecturis salutem in omnium Saluatore. Ad vniuersorum Comitum noticiam, Posoniensis videlicet, Nytriensis, Jauriensis, Kumarumiensis, Zaladiensis, Wesprimiensis, Tholnensis, Symigiensis seu omnium aliorum Judicum ac Vicejudicum harum serie volumus peruenire, quod accedens ad nostram presencium fidelis noster Bonifacius, Abbas Monasterii Sancti Martini de Sacro, Monte 231Pannonie priuilegium Sancti Regis Stephani confirmatum per priuilegium felicis memorie patris nostri nobis presentauit; quorum inspecto tenore cognouimus concessum extitisse, vt populos dicti Monasterii nullus judicum preter Regiam Maiestatem et eum, quem Abbas illius Monasterij eligit, presumat aliquatenus judicare. Vnde cum priuilegia Ecclesiarum, et maxime istius Monasterii, quod dileccione amplectimur speciali, nullatenus infringere, sed pocius inuiolabiliter intendamus conseruare, volumus et precipimus firmiter et districte, quatenus nullus vestrum populos supradicti Monasterii nec in furto, nec in decimis, nec in facto monete vel in aliquo presumat iudicare, quos a jurisdiccione omnium judicum per priuilegium Sancti Regis Stephani exemptos, judicio tantummodo nostro in omnibus causis reseruamus judicandos, vel eius, quem elegerit Abbas dicti Monasterii secundum tenorem priuilegii antedicti. In cuius rei memoriam et firmitatem presentes dedimus litteras dupplicis sigilli nostri muniminc roboratas. Datum per manus magistri Benedicti Prepositi Orodiensis aule nostre ViceCancellarii dilecti et fidelis nostri, anno Domini M° CC°septuagesimo, Regni autem nostri anno primo.

(Eredetie a sz. mártoni főapátság levéltárában.)