Stephanus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus tam presentibus quam futuris presentem paginam inspecturis salutem in salutis largitore. Ad uniuersorum noticiam harum serie uolumus pervenire, quod Stephanus et Symon filii magistri Philippi, adhuc in etate tenera constituti una cum domina matre eorum ad nostram accedentes presenciam, obtulerunt nobis priuilegium domini Bele Illustris Regis Vngarie clare recordacionis, carissimi patris nostri super terra Harka confectum petentes ut idem ratum habere et nostro dignaremur privilegio confirmare. Cujus quidem privilegii tenor tali, est:

Bela Dei gracia stb. (következik IV. Béla király 1257-ki okmánya, melyet közzé tettünk okmánytárunk II. kötetében a 284. lapon.)

Nos itaque peticionibus eorundem favorabiliter annuentea, considerantesque ipsam collacionem carissimi patris nostri legitime esse factam, eandem collacionem ratam habuimus; et ipsum priuilegium de uerbo ad uerbum insertum presentibus confirmamus duplicis sigilli nostri munimine roborando. Datum per manus magistri Benedicti Orodiensis Prepositi, aule nostre Vice-Cancellarii, dilecti et fidelis nostri. Anno Domini M-° CC-° LXX-°, Regni autem nostri anno primo.

(Eredetie Sopron sz. k. város levéltárában.)