Nos Capitulum Budensis Ecclesie significamus, qaod fratre Nicolao, procuratore sororum de Insula Sancte Marie pro eadem Ecclesia ab una parte, et Demetrio filio Bezter de genere Oanabezter de villa Berkij ex altera, coram nobis personaliter constitutis, proposuerunt, quod in causa, quam dictus Demetrius pro quadam terra Souskut vocata contra memoratas sorores de Insula Sancte Marie mouerat, quam terram nobilis matrona relicta videlicet magistri Nane, Ecclesie Beate Marie Virginis de insula antedicta pro remedio anime sue legauerat, taliter conuenissent, quod predictam terram prenominatus Demetrius cum suis omnibus vtilitatibus, qnas de proprijs laboribus et expensis in ipsa terra parari fecerit, usque ad tempora uite sue possidebit; defuncto uero Demetrio absque beredum successione, eadem terra in ius Ecclesie Beate Marie de insula deuoluetur; si autem idem Demetrius filium superstitem habuerit, si eidem filio placuerit, terram antedictam cum omuibus super eadem terra hedificatis uel plantatis, prout eadem terra fuerit tunc temporis estimata, liberam habeat redimendi facultatem, tocius terre precio memoratis sororibus in solidum persoluto. Super quo facto, partibus sic uolentibus et petentibus literas presentes concessimus sigilli nostri munimine roboratas. Datum per manus magistri Ambrosij Scolastici Budensis, anno Domini M° CC° LXX° Nicolao Cantore, Petro Custode, Bedeu Decauo Zoela sacerdote, Damiano et Petro magistris, ceterisque Canonicis existentibus.

(Hártyán szépen irva. A pecsét fehér selymen függ. - Rakovszky ur gyüjteményéből. - Kiadta, de hibásan, Fejér Cod. Dipl. V. k.I. r. 83. l. Knaus Nándor.)