Ad vestram Paternitatem tamquam ad eum, in quo specialem spem habemus promotionis agendorum nostrorum, confugimus affectuose supplicantes, quatenus causa nostri hoc impetrare dignemini circa dominum Papam, ut frater Farchasius ordinis fratrum minorum, noster fidelis, accedente consensu et licentia favorabili ejusdem domini Papae, sibi stare liceat in Ungaria in domo aliqua sui ordinis, ubi apertam sibi mansionem duximus eligendam. Quod pro speciali nobis impenso beneficio reputamus.

(Palacky u. o. 292. l.)