Gregorius Episcopus seruus seruorum Dei carissimo in Christo filio nostro Stephano Illustri Regi Ungarie salutem et Apostolicam benedictionem. Lecta nobis Serenitatis Regie petitio continebat, quod cum inter te et carissimum in Christo filium nostrum Othacharum Illustrem Regem Boemie guerrarum periculosa discrimina seductor humani generis seminasset, Divina tandem clementia desuper inspirante tu et ille bonis viris mediantibus de assensu Prelatorum et Baronum utriuslibet pacem perpetuam iniistis, confectis super hoc litteris et interpositis juramentis, ac de utriusque beneplacito per certos ordinarios, quorum in vos jurisdictionem prorogare curastis, in utrumque vestrum fuerunt in scriptis excommunicationis sententie promulgate, eo inter cetera expresse in tractatu pacis habito, quod terra illius, qui violaverit pacem ipsam, per eosdem ordinarios interdicto ecclesiastico supponatur; quotique Barones illius, qui pacem ipsam violauerit, ab ipsius auxilio et defensione discedant, assistentes eidem, qui pacem servarit predictam, ipsum contra pacis violatorem adiuvent et defendant, potioribus nichilominus ex ipsis Baronibus se ad hoc de tuo et ipsius Regis mandato astringentibus per proprium iuramentum; acto etiam fiu eadem pace 277ut eam uterque vestrum procuret per Sedem Apostolicam confirmari, prout in predictis litteris plenius dinoscitur contineri. Nos igitur attendentes, quod nonnisi in pace colitur pacis auctor, tam tuis, quam eiusdem Regis Boemie precibus inclinati, pacem ipsam, prout salubri consilio et deliberatione prouida inita est, auctoritate Apostolica confirmamus et presentis scripti patrocinio communimus, tenorem litterarutn ipsarum, qui nobis sub sigillis autenticis tam ex parte tua, quam eiusdem Regis Boemie fuit exhibitus, de verbo ad verbum presentibus inseri facientes. Qui talis est:

Othacharus Dei gracia Rex Boemie, Dux Austrie stb. (következik II. Otakar cseh királynak az 1271-ki magyar-cseh békességről kiadott okmánya, melynek lényeges része olvasható Fejérnél Cod. Dipl. V. k. I. r. 113. l.)

Nulli ergo omnino hominum liceat hanc paginam nostre confirmationis infringere, vel ei ausu temerario contraire. Si quis autent hoc attemptare presumpserit, indignationem Omnipotentis Dei et Beatorum Petri et Pauli Apostolorum eius se noverit incursurum. Datum Laterani III. Nonas Maii, Pontificatus nostri anno primo.

(X. Gergely pápa Regestáiból Theinernél Monumenta I. k. 295. l.)