Nos Ladislaus Dei gracia Rex Vngarie significamus tenore presencium vniuersis, quod nos considerantes fidelitates et seruiciorum merita Ders Archidiaconi, et magistri Nicolai, fidelium nostrorum, fratrumque ipsorum, que ijdem karissimo patri nostro, et nobis postmodum impenderunt fideliter et deuote, quandam terram castri Albensis Transiluani, Euryghaz vocatam, concernentem intra suas metas, et limitacionibus suorum terminorum rura siue sessiones villarum Demegteluke, Gwyudteluke, Oslteluke et Syneteluke vocatas, ubi eciam sita est ecclesia beati Thome Apostoli, eximendo penitus a iurisdiccione dicti castri eisdem Ders Archidiacono, et magistro Nicolao, ac fratribus eorum dedimus, donavimus et contulimus perpetuo possidendas; in cuius terre corporalem possessionem cosdem per Comitem Andream de Gyong hominem nostrum sub testimonio Capituli Albensis Transiluani, pre-sentibus jobagionibus castri, vicinis, et commetaneis omnibus, nulloque contradictore existente fecimus introduci, prout id nobis per litteras dicti Capituli constitit evidenter. Datum in Zolum in octauis Assumpcionis Beate Virginis, anno Domini M°. CC°. LXX°. quarto.

(Teutsch es Firnhaber, Urkundenbuch, zur Geschichte Siebenbürgens I. köt. Bécs 1857. 104. l.)