Ladislaus Dei gracia Vngarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentem paginam inspecturis salutem in omnium saluatore. Pie et salubriter agitur, si que Sacro-Sanctis Ecclesijs pro animarum remedio laudanda deuocio donauit, et pro premio salutis eterne religio contulit Cristiana, 82salua semper et illibata persistant, ac subnixa omni munimine perseuerent. Et ne labente curriculo temporis in hijs probacionum subtrahatur copia, ac per hoc ambigendi, quin ymo malignantibus aditus pateat litigandi; dignum est, ut literarnm prouideatur testimonio ad rei memoriam sempiternam. Proinde notum sit tenore presencium vniuersis, quod vir discretus magister Antonius, Decretorum doctor, Prepositus Posoniensis, dilectus et fidelis noster ad nostram accedens presenciam, nobis exponere curauit, quod priuilegia possessionum Prepositure et Ecclesie Posoniensis, videlicet super villa Samud de Chollokuz, quam gloriose memorie dominus Bela quondam Rex Vngarie, karissimus auus noster, pro remissione peccatorum suorum in perpetuam elemosinam Prepositure et Ecclesie Posoniensi donauit, contulit et tradidit; et super terris Welk, Kuurth cum pistaturis Zoruoseurem, Senketekuta, Haruskuuth et Kurtueles uocatis, et alia piscatura Chewzweyz appellata, ac ceteris possessionibus, que vel ex donacione Regia, uel pia deuocione fidelium, vel empcionis aut cuiuscunque alterius contractus titulo ad Preposituram, et Posoniense Capitulum peruenerunt, tempore hostilitatis, qno Rex Boemorum tyrannizauit crudeliter in nos, et in Regnum nostrum nobis infra pubertatis tempora constitutis in capcione castri Posoniensis de camara Ecclesie Posoniensis vna cum alijs bonis eiusdem Ecclesie per Boemos et Theutonicos sunt ablata. Vnde idem Prepositus a nobis humiliter postulauit, ut donacionem ville Samud et aliarum predictarum possessionum collacionem et acquisicionem ratificaremus et approbaremus, et super hijs nostrum priuilegium concedere dignaremur. Nos igitur, quia nobis super premissis per Regni nostri Barones facta fuit plena fides, et quia augere intendimus ecclesiasticas facultates, annuimus iustis peticionibus Prepositi supradicti, et ex certa sciencia approbantes et ratificantes, volumus, et concedimus, ac firmamus presenti priuilegio in perpetuum valituro; quod Prepositura et Ecelesia Posoniensis villam Samud cum omnibus terris arabilibus et non arabilibus, pratis, fenetis, virgultis, arundinibus, aquis, paludibus, et ceteris utilitatibus ac pertinencijs pro remedio anime aui nostri karissimi predicti et nostre donatam et concessam; ae terram Kuurth cum piscaturis 83Zoruoseurem, Senketekuta, Haruskuuth, Kuurtueles nominatis, et aliam piscaturam Cheuzweyz uocatam, et alias possessiones suas habitas, aquisitas et collatas, que superius comprehenduntur, in perpetuum possideantpacifice et quiete. Hoc expresse et precise de consilio et consensu Baronum nostrorum ex speciali gracia concedendo, quod nullus Comes Posoniensis, nec aliquis eius officialis, quocunque nomine uocetur, ad villam Samud, et ad alias villas et possessiones Prepositure et Capituli Posoniensis nec citandi, nec iudicandi, nec descendendi, vel descensum seu procuracionem recipiendi, nec collectam exigendi, uel faciendi, nec aliquid horum imponendi occasione audeat extendere manus suas, aut in cis sibi ius aliquod, uel iurisdiccionem aliquam quocunque modo aliquatenus uendicare, sed a Comite Posoniensi et eius officialibus quibuslibet, et ab ipso castro Posoniensi et castri aut terris (így) hominibus, custodijs et uigilijs plenissime in omnibus eadem villa Samud et cetere possessiones predicte sint libere penitus et exempte, et ad Prepositum et Capitulum Posoniensis Ecclesie pertineant pleno iure. In cuius rei memoriam et perpetuam firmitatem presentes concessimus litteras duplicis sigilli nostri munimine roboratas. Datum per manus Reuerendi uiri magistri Thome Electi Albensis Ecclesie, aule nostre Vice Cancellarij, dilecti et fidelis nostri; anno Domini millesimo CC° LXX° septimo; Regni autem nostri anno sexto.

(Eredetie hártyán szépen írva. A pecsét hiányzik. Pozsonkáptalani magánlevéltár; Capsa C. Fasc. 7. Nro. 72. Ezen okmányt átírta és megerősítette III. Endre 1291.; és Robert Károly 1317. 40 nonas Novembris Knauz Nándor.)