Conventus Monasterij Sancti Egidij de Symigio omnibus Christi fidelibus presentibus pariter et futuris presentes litteras inpsecturis salutem in eo qui est salus omnium. Noticie cunctorum declaramus, quod Comes Johannes filius Isyp ab una parte, Zenke filius Bed, Ioanka filius Kyrev, Nycolaus filius Tyze, Benke filius Emerici, Petrus filius Pyntek, Nyged filius Marcus, castrenses de villa Mogorey, una cum Antalo filio Wytalus de Maach, homine Gregorii Bani Comitis Symigiensis, personaliter ex altera coram nobis constituti; idem Comes Johannes dixit, ut haberet terram cum terris castrensium predictorum in dicta villa Mogorey communem et sine divisione, et nunc uellet separare de eisdem, eo quod propter presentem Regni discensionem et guerram nollet cum ipsis castrensibus possidere seu tenere. Cuius Comitis Johannis dicta prenominati castrenses uera esse communiter affirmauerunt, et ideo Comes Johannes et etiam castrenses iam dieti hominem nostrum fidelem pro testimonio postulaverunt, in cuius presencia mediante Antalo filio Wytalus, per Gregorium Banum Cumitem Simigiensem dato, ipse Comes Johannes terram suam separaret de castrensibus memoratis, et undique metis distingueret seu signaret. Nos autem fidelem hominem nostrum misimus cum Comite Johanne ad omnia premissa exequeuda, qui postmodum cum Comite Johanne, memorato Antalo fiiio Wytalus, Zenke et omnibus socijs suis supradictis castrensibus ad nos reuersus nobis dixit; ut dum terram suam Comes Johannes separare de terris ipsorum castrensium uoluisset, ijdem castrenses asseruerunt, se super sua propria terra non posse commorari; si 95ipse Comes Johannes suam terram separaret ab eisdem; et ibi dicti castrenses rogaverunt Comitem Johannem memoratum, ut ipsorum peticionibus humilibus se inclinaret, et sicut ijdem castrenses in nostra presencia constituti, et Comes Johannes pretaxatus dixerunt, ipse Comes Johannes misericordia motus ipsorum peticionem admisisset, ut dictam terram suam similiter sine diuisione possideret cum eisdem, prout actenus tenuit et possedit. ln cuius rei memoriam et perpetuam firmitatem ad peticionem et instanciam Comitis Johannis filij Isyp, Zenke et sociorum suorum castrensium predictorum presentes dedimus litteras sigilli nostri munimine roboratas. Datum anno ab Incarnacione Domini M° CC° LXX° septimo.. Elya Abbate, Luchach Decano, Petro Custode existentibus.

Jegyzet. Eredetie bőrhártya, melynek alúl fölhajtott hasadékaiból hártyakötelékről függöt pecséte elenyészett. Másolta Horvát István. Érdy.