Nicolaus Episcopus serruus seruorum Dei, didecto filio Jacobo Sancte Marie in Via Lata Diacono Cardiuali salutem et Apostolicam benedictionem. Cum venerabilem fratrem nostrum Philippum Firmanum Episcopum ad Ungarie, Polonie, Dalmatie, Croatie, Rame, Servie, Lodomerie, Galitie et Cumanie partes, sibi commisso inibi legationis plene officio, pro arduis negotiis destinemus, auctoritate eidem presentium indulgemus, ut clerici eius qui secum moram traxerint huiusmodi legatione durante, vel alibi de mandato suo laboraverint pro negotiis sibi commissis, preventus beneficiorum, dignitatum, et personatuum suorum, cotidianis distributionibus dumtaxat exceptis, cum ea integritate percipere valeant, cum qua illos perciperent, si personaliter in Ecclesiis, in quibus dignitates, personatus et beneficia ipsa obtinent, residerent. Non obstantibus contrariis ipsarum ecclesiarum consuetudinibus, vel statutis iuramento, confirmatione Sedis Apostolice seu, quacumque alia firmitate vallatis, aut aliquibus indulgentiis dicte sedis et generalibus vel specialibus, cuiuscumque tenoris existant, per quas non expressas presentibus, vel totaliter non insertas earum effectus impediri valeat quomodolibet vel differri. Quocirca discretioni tue per Apostolica scripta mandamus, quatenus per te vel per alium aut alios proventus huiusmodi dictis clericis facias, iuxta concessionis nostre tenorem, integre ministrari. Contradictores etc. Non obstantibus omnibus supradictis, seu si aliquibus ab eadem sede sit indultum, quod interdici, suspendi vel excommunicari non possint per litteras dicte sedis, que de indulto huiusmodi plenam et expressam non fecerint mentionem. Datum Viterbii X. Kalendas Octobris. Pontificatus nostri anno primo.

(III. Miklós pápa Regestáiból. Theiner id. m. I. k. 330. l.)