Nicolaus Episcopus seruus seruorum Dei venerabili fratri Philippo Episcopo Firmano Apostolice Sedis Legato salutem et apostolicam benedictionem. Ut favorem, quo te Apostolica Sedes prosequitur, circa ea potissime, que tuam salutem respiciunt, tibi sentias profuturum, auctoritate tibi presentium indulgemus, ut quandocumque et quotienscumque volueris, aliquem discretum presbiterum secularem vel religiosum in confessorem tuum possis eligere, qui audita confessione tua iniungat tibi pro commissis penitentiam salutarem et beneficium absolutionis impendat, nisi talia fuerint, propter que Sedes Apostolica sit merito consulenda. Nulli ergo etc. nostre concessionis etc. Datum Viterbii X. Kalandas Octobris, Pontificatus nostri anno primo.

(III. Miklós pápa Regestáiból, Theiner id. m. I. k. 331. l.)