Nicolaus Episcopus seruus seruorum Dei venerabili fratri Philippo Episcopo Firmano Apostolice Sedis Legato salutem et apostolicam benedictionem. Consvevit iuterdum Apostolica Sedes personas nobiles gratia prosequi et favore, ut Deo et eidem Sedi reddantur exinde plus devote. Propter hoc siquidem concedendi licentiam novem mulieribus, quod earum quelibet cum decenti comitiva mulierum semel in anno, durante tua legatione, possint monasteria quorumcumque ordinum eiusdem legationis, causa devotionis intrare, non obstantibus ordinum ipsorum quibuslibet contrariis constitutionibus vel statutis, fraternitati tue liberam concedimus auctoritate presentium facultatem; ita tamen quod eedem nobiles in eisdem monasteriis, que sic intraverint, cum personis monasteriorum eorundem non comedant in conventu, et in dictis monasteriis non pernoctent. Datum Viterbii X. Kalendas Octobris, Pontificatus nostri anno primo.

(III. Miklós pápa Regestáiból, Theiner id. m. I. k. 331. l.)