Nicolaus Episcopus seruus seruorum Dei, venerabili fratri Philippo Episcopo Firmano Apostolice Sedis Legato salutem et Apostolicam benedictionem. Tuam volentes honorarc personam, et per honorem tibi exhibitum aliis gratiam impertiri, faciendi recipi XV clericos tuos per te vel per alium seu alios in totidem ecclesiis tam Cathedralibus, quam aliis tue legationis, videlicet singulos in singulis, si ad id illorum, ad quos collatio prebendarum in eisdem ecclesiis pertinet, accedat assensus, in Canonicos et in fratres, ac providendi eis de prebendis, si vacant ibidem ad presens, vel quamprimum ad id obtulerit se facultas, et contradictores per censuram Apostolicam, appellatione postposita, compescendi, non obstante statuto ecclesiarum ipsarum de certo Canonicorum numero, iuramento, confirmacione Sedis Apostolice, seu quacumque alia firmitate vallato, aut si direximus in eisdem ecclesiis pro aliis scripta nostra, seu si aliquibus communiter vel divisim a sede sit indultum eadem, quod ad receptionem et provisionem alicuius minime teneantur, quodque ad id compelli, seu quod interdici, suspendi vel excommunicari non possint per litteras Apostolicas, non facientes plenam et expressam de indulto, 144huiusmodi mentionem, et qualibet alia indulgentia dicte sedis generali vel speciali, cuiuscumque tenoris existat, per quam effectus presentium impediri valeat vel differri, et de qua in nostris litteris specilis mentio sit habenda, fraternitati tue liberam concedimus auctoritate presentium facultatem. Datum Viterbii X. Kalendas Octobris, Pontificatus nostri anno primo.

(III. Miklós pápa Regestáiból, Theiner id. m. I. k. 332. l.)