Nicolaus Episcopus seruus seruorum Dei venerabili fratri Philippo Episcopo Firmano Apostolice Sedis Legato salutem et Apostolicam benedictionem. Cum te ad Ungarie, Polonie, Dalmatie, Croatie, Rame, Servie, Lodomerie, Galitie et Cumanie partes, tibi commisso inibi plene legationis officio, pro arduis negotiis destinemus; volentes tibi aliqua concedere, per que saluti consulere valeas animarum; fraternitati tue presentium auctoritate concedimus, ut cum qui buslibet religiosis personis tue legationis, cuiuscumque sint ordinis, que dato aliquo pro acquirendis, vel recepto pro exhibendis locis in monasteriis commiserunt vel commiserint, legatione ipsa durante symoniacam pravitatem possis, prout expedire videris, dispensare. Non obstante constitutione concilii generalis. Datum Viterbii X. Kalendas Octobris, Pontificatus nostri anno primo.

(III. Miklós pápa Regestáiból, Theiner id. m. I. k. 333. l.)