Nicolaus Episcopus seruus seruorum Dei, venerabili fratri Philippo Episcopo Firmano Apostolice Sedis Legato salutem et Apostolicam benedictionem. Cum te ad Ungarie ac Polonie, Dalmatie, Croatie, Rame, Servie, Lodomerie, Galitie et Cumanie partes, tibi commisso inibi plene legationis officio, pro urgentibus et arduis negotiis destinemus: nos volentes, ut in terris et regionibus tue legationis eo amplius generosus occurras, quo maiori per nos fueris auctoritate munitus, fraternitati tue absolvendi iuxta formam Ecclesie, prout expedire videris, lericos et laicos utriusque sexus ab excommunicationum sententiis, quas pro eo, quod Saracenis arma et alia prohibita detulerunt, incurrisse noscuntur, liberam condecimus auctoritate presentium facultatem. Datum Viterbii X. Kalendas Octobris, Pontificatus nostri anno primo.

(III. Miklós pápa Regestáiból, Theiner id. m. I. k. 334. l.)