Nicolaus Episcopus seruus seruorum Dei, venerabili fratri Philippo Episcopo Firmano Apostolice Sedis Legato salutem et Apostolicam benedictionem. Cum te ad Ungarie ac Polonie, Dalmatie, Croatie, Rame, Servie, Lodomerie, Galitie et Cumanie partes tibi commisso inibi plene legationis officio pro urgentibus et arduis negotiis destinemus: ut 154in eisdem negotiis eo possis prosperari facilius, quo maiori per nos fueris auctoritate munitus, fraternitati tue concedendi tebellionatus officium iuxta formam, quam in hoc Romana servat Ecclesia, tribus vel quatuor personis, quas ad illud post diligentem examinationem ydoneas esse repereris, plenam auctoritate presencium concedimus facultatem. Datum Viterbii XI. Kalendas Ostobris, Pontificatus nostri anno primo.

(III. Miklós pápa Regestáiból, Theiner id. m. I. k. 334. l.)