Nocolaus Episcopus seruus seruorum Dei, venerabili fratri Philippo Episcopo firmano Apostolice Sedis Legato salutem et Apostolicam benedictionem. Cum te ad Ungarie, Polonie, Dalmatie, Croatie, Rame, Servie, Lodomerie, Galitie et Cumanie partes, tibi commisso inibi plene legationis officio pro arduis negotiis destinemus; nos volentes, ut spiritualium largitione incolas illarum partium reddas Deo et Sedi Apostolice plus devotos, fraternitati tue dispensandi per te vel alium aut alios cum ecclesiarum Prelatis et personis ecclesiasticis tue legationis super irregularitate, quam contraxerunt, vel contraxerint huiusmodi legatione durante, ferendo in alios contra constitutionem Innocentii Pape predecessoris nostri super hoc editam excommunicationis sententiam sine scriptis et non abstinendo a Divinis iuxta tenorem constitutionis ipsius, liberam concedimus auctoritate presentium facultatem. Datum Viterbii X. Kalendas Octobris, Pontificatus nostri anno primo.

(III. Miklós pápa Regestáiból, Theiner id. m. 1. k. 334. l.)