Nicolaus Episcopus seruus seruorum Dei, venerabili fratri Philippo Episcopo Firmano Apostolice Sedis Legato salutem et Apostolicam benedictionem. Cum te ad Ungarie, Polonie, Dalmatie, Croatie, Rame, Servie, Lodomerie, Galitie et Cumanie partes, tibi commisso inibi plene legationis officio pro arduis negotiis destinemus: fraternitati tue, de qua plene confidimus, amovendi a beneficiis, personatibus et dignitatibus ecclesiasticis quoscumque in tua legatione illa inveneris minus canonice obtinere, ipsaque personis ydoneis infra numerum per alias nostras litteras tibi concessum conferendi, necnon et contradictores per censuram ecclesiasticam appellatione postposita compescendi, plenam et liberam concedimus auctoritate presentium potestatem. Datum Viterbii X. Kalendas Octobris, Pontificatus nostri anno primo.

(III. Miklós pápa Regestáiból, Theiner id. m. I. k. 335. l.)