Nicolaus Episcopus seruus seruorum Dei venerabilibus fratribus Patriarchis, Archiepiscopis et Episcopis, ac dilectis filiis Electis, Abbatibus, Prioribus, Decenis, Prepositis, Archidiaconis, Archipresbiteris, Plebanis et aliis Ecclesiarum Prelatis et eorum vices gerentibus ac ecclesiasticis personis religiosis et secularibus, et aliis Ecclesiarum et Monasteriorum Capitulis et Conventibus exemptis et non exemptis, Cisterciensis, Cluniacensis, Cartusiensis, Premonstratensis, Sancti Benedicti, Sancti Augustini ac aliorum Ordinum, necnon Magistris et Preceptoribus Militie Templi et Hospitalis Sancti Johannis Jerosolomitaui, et Beate Marie Theutonicorum, ad quos littere iste pervenirent salutem et Apostolicam benedictionem. Cum venerabilem fratrem nostrum Philippum Episcopum Firmanum Apostolice Sedis Legatum, pro magnis et arduis Ecclesie Romane negotiis destinemus, universitatem vestram rogamus et hortamur attente, per Apostolica vobis scripta mandantes, quatenus dictum Legatum, immo potius nos in ipso, cum per partes vestras transitum fecerit, ob reverentiam Apostolice Sedis et nostram benigne recipientes et honeste tractantes eundem, sibi pro suis et familie sue necessariis et securo conductu, necnon in evectionibus oportunis, si sue in via decesserint vel defecerint, cum super hiis per ipsum vel eius nuntium fueritis requisiti, in eundo, morando et redeundo liberaliter providere curetis: et si eundem Episcopum in aliquibus locis, vel loco interdum moram trahere contigerit, volumus, quod non solum earundem, eisque vicinarum vel adiacentium partium, seu aliarum etiam, sicut eidem Legato pro huiusmodi oneribus dividendis et facilius supportandis expedire videbitur, remotarum Patriarche, Archiepiscopi, Episcopi, Electi, Abbates, Priores, Decani, Prepositi, 162Archidiaconi, Archipresbiteri, Plebani et alii Ecclesiarum Prelati, eorumque vices gerentes, ac persone ecclesiastice religiose et seculares, Ecclesiarum et Monasteriorum Capitula et Conventus exempti et non exempti, Cisterciensis, Cluniacensis, Cartusiensis, Premonstratensis, Sancti Benedicti, Sancti Augustini et aliorum Ordinum, necnon Magistri et Preceptores Militie Templi, Hospitalis Sancti Johannis Jerosolomitani, Sancte Marie Theotonicorum et quorumcumque aliorum locorum ecclesiasticorum contribuere in subventionibus huiusmodi teneantur. Sic itaque mandatum nostrum efficaciter adimplere curetis, quod possetis exinde merito commendari. Alioquin sententiam, quam idem propter hoc rite tulerit in rebelles, ratam habebimus et faciemus, actore Domino, usque ad satisfactionem condignam inviolabiliter observari. Non obstante si aliquibus est ab eadem Sede indultum, quod Legatis vel Nuntiis Sedis ipsius aliquam procurationem exhibere, vel in ipsam contribuere, nisi ad eos declinaverunt, minime teneantur, seu quod interdici, suspendi vel excommuncari non possint per litteras Apostolicas, que de indulto huiusmodi, totoque tenore ipsius plenam et expressam non fecerint mentionem, seu aliquibus privilegiis quibuscumque personis, locis vel ordinibus sub quavis forma verborum ab eadem sede soncessis, de quibus quorumque totis tenoribus in nostris litteris specialis mentio sit habenda, et per que presens mandatum nostrum quomodolibet valeat impediri. Datum Viterbii X. Kalendas Octobris. Pontificatus nostri anno primo.

(III. Miklós pápa Regestáiból, Theiner id. m. I. köt. 336. l.)