Vniversis Christi fidelibus presentes litteras inspecturis Capitulum Ecclesie Posoniensis salutem in Domino. Ad uniuersorum noticiam tenore presencium volumus peruenire, quod constitutis coram nobis Mykolin de Ylka cum Venys relicta Luca, nunc uxore sua, et duobus filiis ipsius relicte, Luka uidelicet et Lucach; item relicta Symun similiter cum duobus filiis suis, Johanne scilicet et Andrea ab una parte; Myko uero et Mark filiis Myko ex altera, eedem domine sunt confesse, quod terciam partem molendini sui in fluuio Welk existentis, ipsam relictam Luca contingentem, et quartam partem ipsius molendini, relicte Symun prefate cedeutem, pro quatuor marcis denariorum Wiennensium eisdem Myko et Mark, excepto et excluso proventu ac mercede procuratoris ipsius molendini, vendidissent in filios filiorum perpetuo possidendas, quas videlicet quatuor marcas supradicte relicta cum filiis suis ab eisdem Myko et Mark asseruerunt se coram nobis plenarie recepisse. Huic eciam vendicioni Peturke, Mychael filius Kyristfel cum Heym fratre suo, ad quos ipsa vendicio racione vicinitatis et commetaneitatis spectabat in nostri presencia comparentes consensum prebuerunt pariter et assensum. Obligauerunt eciam se ipse relicte cum filiis suis predictis, ut quicumque processu temporum ipsos racione tercie partis et quarte predicti molendini molestaret, eedem relicte cum filiis suis eosdem Myko et Mark tenerentur expedire propriis laboribus et expensis. In cuius rei memoriam presentes concessimus litteras sigilli nostri munimine roboratas. Datum anno Domini Mş CCş LXXş octauo.

A B C

(Finom hártya. - A még eléggé ép pecsét szinte hártyaszeleten csüng. Pozsonykáptalani országos levéltár Capsa XIV. Fasc. 20. Nr. 11. Knauz Nándor.)