Ladyzlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, bulgarieque Rex omnibus Christi fidelibus presentem paginam inspecturis salutem in Domino sempiternam. Ad vniuersorum noticiam tenore presencium volumus peruenire, quod cum Latybor et filij sui, filij jobagionum nostrorum de Toruch, Demetrium Comitem de Sarus fidelem nostrum super terra Kurtus iuxta Kurtus adiacenti in Comitatu Neugradiensi exystenti, quam eidem Comiti Demetrio ob merita seruiciorum suorum in omnibus expedicionibus Regni nostri inpensorum contuleramus, in causam euocassent, et ipsa causa coram nobis fuisset ventilata, tandem quia dictam collacionem nostram ipsi Comiti Demetrio in recompensacionem seruiciorum suorum factam fuisse conperimus, que sub castro nostro Jauriensi, quod per Regem Boemorum, inimicum nostrum et persecutorem Regni nostri, rupta pece et uincolo treugarum dissoluto, occupatum fuerat, in expugnacione eiusdem castri inpenderat, nec non alijs quibuslibet locis, (et) temporibus oportunis, habita deliberacione diligenti coram omnibus Baronibus et nobilibus Regni nostri, qui ad congragacionem nostram conuenerant, quam anno Domini Mş ducentesimo septuagesimo nono, vicesimo secundo die Sancti Johannis Baptiste cum nobilibus et Comanis, ac alijs omnibus incolis Regni nostri habebamus, coram eisdem Baronibus et nobilibus Regni nostri dictam terram Kurtus cum omnibus utilitatibus et pertinencijs suis ipsi Comiti Demetrio et suis heredibus perpetuo relinquentes pacifice et quiete possidendam, et ipsam collacionem nostram prius factam innovando (duximus) corfirmandam et eosdem Latibor ac filios suos ad terram eorum propriam in Turuch existentem transmisimus ad seruicium consuetum nobis impendendum, silencium perpetuum dicto Latibor et filijs suis super repeticione dicte terre inponendo, cassatis omnibus litteris ipsius Latibor et instrumentis quouismodo impetratis et optentis, et in irritum reuocatis. In cuius rei memoriam firmatatemque perpetuam presentes concessimus litteras dupplicis sigilli nostri munimine roboratas. Datum per manus discreti uiri magistri Nicolai, aule nostre Vice-Cancellarij, dilecti et fidelis nostri anno Domini millesimo ducentesimo septuagesimo nono, Regni autem nostri anno septimo.

(Az eredeti után. Czech.)