Magister Karachinus Prepositus et Capitulum Jauriensis Ecclesie omnibus Christi fidelibus presentes litteras inspecturis salutem in Domino sempiternam. Ad vniuersorum noticiam harum serie volumus peruenire: Quod vir nobilis magister Alexander filius Comitis Farcasii de Puk ad nostram accedens presenciam exhibuit nobis memoriales litteras nostras sub minori sigillo Ecclesie nostre, quo sigillo antequam teutonici ecclesiam nostram in puerilibus annis domini nostri Ladislai Dei gracia Illustris Regis Hungarie hostiliter in guerra Regis Bohemie inuasissent et captam detinuissent, vtebamur, super possessione Gyarmath vocata confectas, petentes a nobis humiliter, ut easdem litteras dignaremur renouare et munimine nostri noui sigilli roborare. Quarum tenor telis est:

Nos Magister Chepanus Prepositus et Capitulum Jauriensis Ecclesie stb. (következik a győri káptalannak 1271-ki okmánya, mely olvasható Okmánytárunk III. kötetében 265. l.)

Igitur nos receptis ipsis litteris et plenius perlectis, easdem tum ex forma sigilli nostri prioris, tum eciam de modo dictandi, quem tenebamus, et maxime per relacionem seu recitacionem quorumdam fratrum nostrorum tunc temporis in ordinacione et composicione in facto possessionis personaliter existencium, et hujusmodi contractum memorialiter retinencium nostras litteras legittime confectas esse recognoscentes, predictum eciam Ughud, occasione cujus priuilegium nostrum tunc temporis non fuit concessu, carnis debitum in puerilibus annis exsoluisse scientes, predictas litteras nostras de verbo ad verbum rescribi faciendo presentibus inseri fecimus et patrocinio nostri noui sigilli communiri. Datum anno Domini 1279. Abraam Cantore, Hectore Lectore, Myko Custode Ecclesie nostre existentibus.

(Kaprinay kézirati gyűjteményéből 4. B. I. köt. 31-32. ll. Az okmány kivonatát lásd Fejérnél Cod. Dipl. V. köt. 2. r. 592. l.)