Conuentus Monasterij Sancti Egidij de Symigio omnibus Christi fidelibus presentibus pariter et futuris presentes litteras inspecturis salutem in salutis auctore. Ad vniuersorum noticiam tenore presencium uolumus peruenire, quod magister Blasius filius Mychaelis ab una parte, Stephanus filius Comitis Andree filij Pere, Boxa filius Kynus, Salomon filius Bulchu, Paul filius Chekev, Andreas filius Mychaelis filij Chyug, Ivanch filius Chetk, Petrus filius Galus, Egidius et Fyle filij Pousa, ac Lorandus filius Sycundus de villa Tevl ab altera, personaliter ad nostram accedentes presenciam, quilibet uirorum predictorum de suis hereditariis, vineis scilicet, terris arabilibus, et fenilibus, in territorio eiusdem ville Tevl existentibus, prout ad eosdem pertinere videbatur, permittentibus cognatis suis et vicinis omnibus, confessi suct se vendidisse magistro Blasio antedicto et eius heredibus in perpetuum possidere, vt verius et plenius situacio locorum omnium premissorum, et quantitas recepte pecunie inferius exprimentur. Videlicet Stephanus duo iugera terre in loco Saalma apelato in vicinitate terre Clementis, pro sex pensis denariorum banalium; item Boxa tria iugera terre in loco Humuchaat uocato, distendencia cum longitudine a silua Thome usque viam Johannis uulgariter Joanvta uocatam, et alia tria iugera in fimatis prope villam in uicinitate terre Both filij Choom pro duodecim pensis denariorum banalium; item Salomon unum iuger terre in loco Saalmateluc apellato pro fertone et dymidio; item Paul unum fenile pro dimidia marca et vncia; item Andreas fenile pro marca, et fertone, quod sibi in diuisione cesserat cum Pceulo antedicto, permittentibus Mooth, Yob, filijs Joseph et Dyonisio fratre eiusdem Joseph; item Ivanch unum iuger terre et dimidium, in loco Saalma pro tribus fertonibus; item Petrus similiter unum iuger terre et dimidium in eodem loco Saalma pro tribus fertonibus; item Egidius et File unum iuger terre et dimidium iuxta siluam in loco Humuc, et dimidium iuger iuxta terras Chub a parte meridionali pro dimidia marca, et unam vineam in loco Saalma in vicinitate vinearum filiorum Galus et Tuus pro tribus fertonibus; item Lorandus fenyle iacens in vicinitate fenilium Mathey et Johannis filij Paulus, obligacione tali interposita, quod si qui temporis processu super omnibus premissis uendicionibus contra magistrum Blasium pluries nominatum, aut suos heredes in forma litis vel quoquo modo insurgerent, extunc ijdem uendentes et eorum successores proprijs suis laboribus et expensis expedire tenerentur. In cuius rei memoriam et perpetuam firmitatem ad peticionem partis utriusque presentes dedimus litteras sigilli nostri munimine roboratas. Datum anno ab Incarnacione Domini Mş CCş LXXş nono. Johanne Abbate, Balduino Decano, Lukaach Custode, Sypriano Celerario existentibus.

Jegyzet. Másolta Horvát István, bárhártyán kelt hiteles példányról. Érdy.