Ladislaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex ad universorum noiticiam volumus pervenire: quod Comes Matheus fidelis et familiaris, tavernicus noster, ad nostram accedendo presenciam a nobis humiliter supplicando postulavit, ut ipsum ob merita serviciorum suorum nobis impensorum, et per eum Zumbor fratrem suum, Farcasium et Borz filios Bene, Girolt et Augustinum filios Gregorij, Helys et Kemyn cognatos suos de villa Thymar de populis tavernicorum nostrorum oriendos ab onere ipsius thavernicatus eximendo, cum terra ipsorum in villa Thymar existente eximere, et in cetum et collegium Regalium serviencium nostrorum transferre dignaremur. Nos igitur consideratis serviciis ipsius Comitis Mathei, que ab adolescencie sue temporibus, primum domino Regi Stephano patri nostro impendit, et cum dicto Rege patre nostro viam universe carnis ingrasso Regni gubernaculum et Regium solium adepti fuissemus jure et ordine geniture, dictus Matheus Comes in domo nostra jugiter famulando, et diversis actibus suis, et conspicuorum serviciorum suorum generibus multipliciter coram oculis nostre Maiestatis meruisset commendari, et ob fidelitatem Corone Regie debitam se diversis fortune casibus submittere nunquam formidasset, voluntatem et preceptum nostrum sagiciter in omnibus, loco et tempore opportunis effectui maicipando; eo etiam tempore, cum Regnum nostrum per bellum intestinum et extrinsecum puericie nostre temporibus fere ad exinanicionem virtutis (?) extreme devenisset, idem Comes Matheus in legacionibus nostris multiplicibus insudando, in omnibus et per omnia pro commodo Regni nostri invigilando nostram effecisset voluntatem. Unde in recompensacionem Comitis Mathei serviciorum nobis cum diligencia summe fidelitatis impensorum, et que nobis impendere posset in futurum, ipsum Comitem Matheum, et per eum Zumbor fratrem suum vterinum, Farcasium, Borz, Gyrolt, Augustinum, Helys et Kemyn cognatos suos antedictos, de condicione thavernicorum nostrorum cum terris ipsorum in villa Thymar existentibus duximus ex liberalitate Regia eximendos, tam pure et simpliciter, ut de cetero idem Comes Matheus, frater et cognati sui memorati, et eorum heredes, heredumque suorum successores super terras ipsorum in villa Thymar existentibus duximus ex liberalitate Regia eximendos, tam pure et simpliciter, ut de cetero idem Comes Matheus, frater et cognati sui memorati, et eorum heredes, heredumque suorum successores super trras ipsorum in villaThymar existentes illa et eadem gaudeant libertate, qua ceteri nobiles Regni perfruuntur sub vexillo Regio militantes stb. Datum per manus discreti viri magistri Bartholomei aule nostre Vice-Cancellarii, anno Domini millesimo ducentesimo octuagesimo, secundo Calendas Septembris, Indiccione octaua, Regni autem nostri anno octauo.

(Hevenesi kézirati gyűjteményéből; Diplomatarium Cruciferorum Albensium III. k. 25. l. Czech).