Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentibus pariter et futuris presentem paginam inspecturis salutem in omnium Saluatore. Vt collaciones Principum perpetua firmitate solidentur, litterarum solent munimine roborari; inconcussum quippe permanet ac firmum, quod Regio fuerat patrocinio communitum. Proinde ad vniuersorum noticiam harum serie volumus pernenire, quod Jacobus villicus de suburbio Castri Posoniensis ad nostram accedens presenciam nobis humiliter supplicavit, vt quandam terram Plumow vocatam, vacuam et habitatoribus destitutam, ad Comitatum Vztumpa pertinentem, de benignitate Regia eidem conferre dignaremur. Nos igitur consideratis fidelitatibus et seruiciorum meritis, que nobis in ipso suburbio Posoniensi commorando (így), et specialiter contra Johannem filium Petri quondam Curialem Comitem Posoniensem, qui labe infidelitatis repletus dictum castrum nostrum Posoniense contra nos inire antemptabat, fideliter et strenue inpendit, ipsam terram Plumou a jure et jurisdiccione Comitatus de Vztumpa exceptam penitus et exemptam contulimus, dedimus et donauimus ipsi Jacobo villico, et per eum suis heredibus heredumque suorum successoribus perpetuo et irreuocabiliter pacifice possidendam. In cuius rei memoriam perpetuamque firmitatem presentes concessimus litteras duplicis sigilli nostri munimine roboratas. Datum per manus venerabilis uiri magistri Achonis aule nostre Vice-Cancellarij, dilecti et fidelis nostri, anno Domini Mş CCş. octuagesimo, Regni autem nostri anno octauo.

(Az eredeti után, melyről a király pecséte függ.)