Caiptulum Ecclesie Beati Mychaelis Transsyluane, uniuersis Christi fidelibus presentes p - inspecturis salutem in omnium Saluatore. Ad vniuersorum noticiam tenore presencium cupimus peruenire, quod constitutus coram nobis Erney filius Ipus, pro se et pro fratre suo Petro, pro Bata et Paulo filijs Yeduch, et Benedictus germanus auie personaliter constitutus pro filio Kannar paruulo, pro hijs omnibus superius nominatis, quia sint de una generacione responderunt et dixerunt, quod quandam terram eorundem hereditariam et communem superior Theuk uocatam cum omnibus pertinencijs suis et vtilitatibus iuxta ueteres metas et antiquas de consensu et uoluntate Benedicti filii Mychaelis, et Demetrij fratris ejusdem, et commetaneorum, videlicet Michaelis et Johannis filiorum Laurencij, nec non aliorum, uendidissent ac tradidissent pro decem marcis Valentino, Nicholao nigro Zalando, et Wylme, ac heredibus suis, heredumue suorum, successioribus iure petpetuo et irrevocabiliter possidendam. Dixerunt eciam supra dicti Erney, et Benedictus, quod si tractu temporis aliquis consanguineorum suorum uel alius, ipsos Valentinum, Nycholaum nigrum, Zalandum et Wylme super terra memorata molestare attemptaret, ijdem proprijs laboribus et expensis eosdem defendere tenerentur. Vt igitur res gesta robur optineat perpetue firmitatis, litteras nostras testimoniales concessimus et dedimus sigillo nostro autentico roboratas. Datum anno Domini Mş.CCş. octuagesimo.

(Teutsch és Firnhaber, Urkundenbuch z. Gesch. Siebenb. I. k. 119. l.)