Excellentissimo domino suo Ladislao Dei gracia Regi Hungarie Capitulum Vesprimiensis Ecclesie oraciones in Domino tam debitas quam deuotas. Serenitatis uestre precepta reuerenter exequentes, ut tenemur, iuxta uestrarum continenciam litterarum cum Petro filio - - homine uestro nostrum hominem pro testimonio misimus fidedignum; qui demum ad nos rediens cum eodem nobis dixit, quod idem homo uester in Dominica Palmarum iuxta mandatum Excellencie uestre accedens ad faciem terre caniferorum uestrorum de villa Sancti Galli, conuocatis commetaneis et uicinis, ipsisque populis caniferis uestris presentibus, terram Jacobi et Grysgon nobilium de Pechel habitam in predicta villa Sancti Galli cum terris predictorum caniferorum uestrorum iacentem communiter atque mixtim numero iugerum ducentorum, et dimidium molendinum reambulasset, et eisdem nobilibus, Jacobo videlicet et Grisgon reambulatam statuisset et assignasset nullo contradictore seu prohibitore apparente. Datum feria secunda proxima post Dominicam Palmarum.

(IV. László király megerősítő okmányából, mint fenebb 141. sz. a.)