Capitulum - - - salutem in Domino sempiternam. Ad vniuersorum noticiam tenore presencium volumus peruenire, quod - - - patris domini P. Episcopi Albensis Ecclesie Transiuane vice et nomine ipsius domini Episcopi ex una parte, magister (Ugrinus) de genere Chak pro se et nomine Mychaelis et Barch fratrum suorum, ab altera, coram nobis - - - nobis hinc inde duo paria literarum Comitis Stephani Viceiudicis Curie domini Regis eundem - - - sub hac forma:

Nos Comes St. etc. (mint alább 144. sz. a.)

Nos igitur visis literis ipsius Comitis Stephani Viceiudicis Curie domini Regis et plene intellectis communis juris debito prenotati ad instanciam utriusque parcium predictarum nobilem virum et discretum magistrum Emericum Ecclesie nostre Lectorem ad premissa exequenda duximus destinandum, qui quidem demum ad nos rediens nobis propria viva voce pro loco et die in prenotatis literis eiusdem Viceiudicis Curie domini Regis expressis utrisque partibus conuenientibus dictus venerabilis pater dominus Episcopus Transsiluanus cum personis in literis sepe dicti Viceiudicis Curie Regis nominatis presto erat suum facere iuramentum, si postremum propter bonum perpetue pacis et mutue dileccionis affectum quin pocius quoque verum foret propter iuramentum euitandum mediantibus pluribus probis et nobilibus viris idem dominus Episcopus ex vna parte, magister Ugrinus, Michael (et) Baarch filii Comitis Baarch propria in persona inibi constituti ex beneplacito suo remoto fomite tocius odii - - seu inimicicie inter ipsos - qualitercunque racione ipsius terre suscitati taliter in bonum perpetue concordie deuenerunt, quod sepedictus dominus Episcopus, sicut diximus, propter iuramenti sui remissionem de predicta terra duodecim aratrorum remisit et reliquit magistro Ugrino et fratribus suis supradictis quandam particulam terre metis infrascriptis distinctam a parte terre eorundem Gerend nuncupate, et que quedam terra Gerend uocata filiorum predicti Comitis Baarch a terris sepedicti domini Episcopi ad villam Baratpyspuky pertinentibus, uolentibus, conficientibus et efficaciter approbantibus, his metis nouis et quibusdam antiquis hoc ordine separatur, uidelicet ex publica uia a villa Baratpyspuky in villam Almas directam a parte meridionali sunt tres mete capitales magie et antique, quas propter sui euidenter apparenciam non fuit necesse renouari, que distinguunt et separant terras Bogomer Gerend et Baratpyspuky nuncupatas; dehinc tendit versus plagam septemtrionalem, ubi iuxta quandam antiquam metam partes predicte - -; abhinc uergit similiter uersus septemtrionem in loco campestri in competenti spacio - - meta noua; exinde tendit similiter ad septemtrionem iuxta siluam Gerend in spacio longitudinis - jugeris ac - ab illa silua sunt due mete noue; deinde similiter in septemtrionem obl - se ab illa silua iuxta quendam collem - una meta noua; item exinde - terras arabiles et uenit - - similem feneto, vbi sub una parva piro sunt due mete noue; post hec transit quendam paludem - uocatam, in cuius medio sunt comunia et uenit ad quendam locum - similem feneto; similiter uersus septemtrionem ubi est una meta noua, que omnes mete noue separant solum terram Gerend a terra Baratypyspuky prenotata; abhinc preterea eciam progrediens uersus septemtrionem tendit et pertingit ad finem silue Chaslo, vbi subsequendam - - mete antique que disterminant et distinguunt ab inuicem terras Kener, Chaslo, Gerend et Baratpyspuky nuncupatas, et illinc cursus predictarum metarum terminatur. In cuius rei memoriam et rei geste robur sempiternum presentes concessimus sigilli nostri munimine roboratas. Datum anno Domini Mş.CCş. octuagesimo primo, feria secunda proxima post festum Adventus Sancti Michaelis Archangeli, domino Botur Preposito, Emerico Lectore, Johanne Cantore, Benedicto Custode magistris existentibus.

(Teutsch és Firnhaber, Urkundenbuch z. Gesch. Siebenb. I. k. 122. l.)