Nos Ladyzlaus Prepositus et Conventus fratrum Ordinis Premonstratensium de Saag memorie commendantes significamus universis, quod constituti coram nobis personaliter Bogona, Job, filij Iwanka; item Lyptov et Nicolaus filij Gurk; ac Chepan filius Louk pro seipsis et pro Martino dicto Konez fratre eorundem ab una parte; Almus, Fabian, filij Guze pro se et pro Michaele filio Micos; item Urbanus, Michael filij Thome, et Johannes filius Leustachii de Palasth, pro se et pro filijs Ponoch, videlicet pro Bence et Pousa de eadem ex altera, dixerunt viva voce, quod causa, que inter ipsos vertebatur ante presenciam domini Palatini super divisione terre eorundem hereditarie Palasth vocate, per arbitrium virorum proborum ipsis volentibus et consencientibus in hunc modum exstitisset ordinate et decisa: quod predicta terra Palasth, porcio videlicet eorundem in duas partes equales divisa; media pars cum omnibus utilitatibus suis cessit Bogona, Job, Lyptov, Martino, et Nicolao, ac Chepano antedictis jure hereditario perpetuo possidenda, tenenda et habenda; media vero pars cessit Almus, Fabiano et Michaeli filio Mykus, item Urbano, Michelo (így) fratri eiusdem, et Johanni filio Leustachii, Bence et Pousa filijs Ponoch antedictis, similiter perpetuo possidenda; et ipsius medie partis, que Almus cum cognatis suis est devoluta, pars media, videlicet quarta pars terre tocius in feneto et alijs utilitatibus separata et distincta cessit Almus, Fabyano et Mychaeli filio Mykus antedictis perpetuo possidenda. Mete autem terrarum eorum, videlicet Almus, Fabyani et Mychael arabilium in primo loco existencium circa sessum curie eorundem hoc ordine distinguntur: incipit enim retro curiam filiorum Lewa juxta fluvium Lytova, sunt due mete terree; inde transit in longitudine terre arabilis, venit dirrecte ad angulum curie Lewa, tenet metas cum eodem, currit circa curiam eandem in longitudine, venit sub berch, et ibi sunt due mete prope Ecclesiam circa viam magnam a parte inferiori, ibique angulatur; inde vadit dirrecte in latere ejusdem berch ad pyrum, quod est in curia Bogona ante domum ejusdem, quod est pro meta et termino deputatum, et ibi angulatur iterato; demum venit dirrecte per metas continuas iterato super fluvium Lyptowa, et ibi infra molendinum Chysk circa littus fluvii predicti juxta salicem sunt due mete terree, ibi cadit in ipsum fluvium Lytowa, descendit in eodem ad metas priores, et sic terminatur meta terrarum arabilium in primo loco existencium. In secundo autem loco in valle circa fluvium Lytava hoc ordine distingwuntur: incipit enim, ubi Ilsank potok cadit(in) Lytova, et ab altera parte iuxta eundem fluvium sunt due mete; inde vadit per longitudinem terre arabilis, tenet metas cum Bogona et fratribus suis, venit ad viam, que venit de castro Ders et Demetrii Comitum, et ibi iuxta viam eandem sub monte est quidam lapis magnus pro meta deputatus, ibique angulatur; inde per eandem viam spacio competenti venit, ubi sunt due mete juxta viam, ibique angulatur iterato; inde reflectitur, venit dirrecte iterato ad fluvium Lyptova super Guze haza, et ibi sunt due mete sub quadam arbore (que) szeyl nuncupatur vulgariter, ibi cadit in sepedictum fluvium Lyptova, descendit in eodem et venit ad metas priores, et sic terminantur mete terrarum arabilium in secundo loco existencium. In tercio autem loco in monte: Incipit in vertice montis circa summitatem Sezde potoka, ubi sunt due mete, vadit dirrecte per terras arabiles ad viam, que venit de Buzauk, et ibi juxta eandem sunt due mete in fine terre arabilis, qbique angulatur; inde per eandem viam currendo tendit versus Buzauk, ubi circa viam sunt due mete angulares; deinde reflectitur dirrecte super Lypouch potoka, et ibi in summitate eidem potok sunt due mete, et sie terminantur mete terrarum arabilium in tercio loco existencium. Prata autem et feneta metis non distinxerunt, sed secundum cursum predicte divisionis prata et feneta inter se ipsos, prout cuilibet eorum dari expedit, distribuerunt, silvas vero et nemore ac alias utilitates in eis existentes in usum communes 249relinquerunt. Obligaverunt se predicti, qui personaliter adstiterunt coram nobis pro se ipsis, et pro his, pro quibus adstiterunt, ut si que parcium hanc divisionem vellet infringere, sex marcas argenti ante litem solvere teneretur parti, que predictam divisionem teneret et acceptaret. Vt igitur hec divisio stabiliter perseveretinter partes presentes, in testimonium concessimus sigilli nostri munimine roboratas. Datum et actum anno Domini MşCCşLXXş secundo.

(Hártyán, a pecsét hiányzik, de vörös zöld selyem zsinora megvan. A lontói közbirtokosság levéltárában. Capsa A. Fasc. I. Nr. 2. Közli Rakovszki István úr.)