(E)lisabeth Dei gracia maior Regina Hungarie, Ducissa de Macho et de Bozna, vniuersis Christi fidelibus presentem paginam inspecturis salutem in omnium saluatore. (D)euote fidelitatis studia dignis solent premijs compensari et fructum percipere in laudem et gloriam premiorum. (P)roinde ad uniuersorum noticiam tenore pre sencium volumus peruenire quod cum nobilis et discretus uir magister Theodorus Prepositus Zybiniensis, aule domini Ladizlay Incliti Regis Hungarie karissimi filij nostri notarius specialis, eidem domino Regi iugi laborum frequencia fideliter seruierit et deuote, nobisque consequenter in omnibus nostris negocijs et agendis gratum semper inpenderit famulatum; nos consideratis fidelitatibus et obsequijs eiusdem Theodori Prepositi, quibus coram nostris oculise reddidit multipliciter commendatum, quasdam terras nostras, ad curtem nostram de Segusdino olim petrinentes, Deench et Ztupan uocatas ac ad easdem specntantes, uacuas et habitatoribus destitutas, ab eadem curte nostra Segusdiensi exceptas penitus et exemptas, eidem Theodoro Preposito, et per eum Comiti Ladizlao fratri suo, ac ipsius heredibus heredumque suorum successioribus de plenitudine gracie nostre dedimus, dunauimus et contulimus perpetuo pacifica possidendas. (U)t igitur hec nostra donacio robus perpetue firmitatis optineat cen ullo unquam tempore valeat retractari, presentes concessimus litteras dupplicis sigilli nostri munimine roboratas. (D)atum per manus discreti uiri magistri Vrbazij Prepositi de Posoga, aule nostre Cancellarij fidelis nostri, anno domini Mş CCş octuagesimo quarto.

Jegyzet. Eredetie bőrhártya, melynek eltűnt pecséte, az alúl fölhajtott hártya hasadékaiból vörös, fehér és zöld selyemről fügött. Őríztetik a Hunt-Pázmántól származott Kubinyi nemzetség levéltárában. Érdy.