Nos Nicolaus Palatinus et Comes Posoniensis significamus vniuersis, quibus expedit, presencium per tenorem, quod cum ordinaciones facte per Regiam Maiestatem, tam circa donaciones, siue largiciones possessionum seu terrarum, quam circa collacionem libertatum et beneficia exempcionum, Ecclesijs maxime et Ecclesiarum populis, perpetua debeant firmitate inniti, nos priuliegia domini nostri Regis, per discretum uirum magistrum N. Prepositum Poseniensem nobis exhibita, in quibus populi Prepositure et Ecclesie ipsius Posoniensis a jurisdiccione, subieccione, potestate et judicio Comitis Posoniensis et eorum (így) officialium, necnon ab omni honere collectarum exempti de gracia dinoscuntur, prona fidelitate, ac fideli promptitudine honorantes, uolentesque ordinacionibus Regijs ex nostre uotiue fidelitatis debito ebsequi et parere, dictos populos prefate Prepositure et Ecclesie Posoniensis uti permisimus et graudere concessimus, concessa eis et indulta per Regiam Celsidutinem, circa premissos graciarum articulos, libertate; liberantes eosdem et absoluentes a nostra et nostrorum officialium judiciaria potestate, mandantes et iniungentes vobis nostris officialibus et collectoribus vniuersis, et specialiter Conseruatori Castri et Curiali Comiti Ponosiensi ac Comiti hospitum Castri firmiter et discrete, ne aliquis uestrum ad populos sepedicte Prepositure et Ecclesie Posoniensis citandi, uel judicandi, aut collectam exigendi, seu exaccionem aliquam faciendi, uel aliquod honus imponendi occassione presumat extendere manus suas, aut in eis ius sibi aliquod, uel iurisdiccionem aliquam qucocunque ingenio uendicare; aluoquin poteritis nostre indignacionis uindictam non immerito formidare. Datum Posonij in octauis Apostolorum Petri et Pauli anno Domini MşCCşLXXXş quarto.

(Hártya. Hátulyán a pecsétnyom. Pozsonykáptalani magánlevéltár Capsa B. Fasc. 2. Nr. 7. Knauz.)