A B C D

Vniuersis Christi fidelibus presentes litteras inspecturis Capitulum Possoniensis Ecclesie oraciones in Domino Jhesu Christo. Ad vniuersorum noticiam tenore presencium volumus peruenire, quod Zolou filio Mathie de Rech (?) ex una parte, et Tonkus clerico Ecclesie Beati Johannis Baptiste de Ilka ex altera coram nobis personaliter constitutis, idem Zolou proposuit viua uoce, quod cum ipse contra predictum clericum et eius liberos in presencia venerabilis viri domini nostri magistri Nicolai Prepositi Posoniensis questionem status suscitasset, ipsum clericum cum suis liberis serui sui nomine imprimendo, et super hoc inter partes fuisset diucius altercatum; tandem idem Zolou, tactus spiritu sanioris consilij cognovisset sua ipsum consciencia remordenti, quod in prefato negocio in salutis sue preiudicium processisset, allegans in sue penitudinis argumentum, quod per errorem ei ex suspicione quadam contra ipsum clericum predicte seruitutis mouerit questionem, protestans et asserens coram nobis, quod idem clericus, uel ab eo descendentes, ad eundem Zolou nullius obnoxietatis necessitudine pertinerent, sed natiue et perpetue libertatis ac ingenuitatis priuilegio fruerentur, propter quod idem liti seu accioni, quam contra ipsum clericum et eius liberos ex suspicione mouerat, ut superius est expressum, cessit et renunciauit ex permissione sui judicis, ut dicebat, spontanea - - -, qua in execucione predicte cause idem Zolou labores sustinuit et expensas, placuit eidem clerico, quod per virorum proborum arbitrium pro se et filijs suis, pro redimenda presertim vlteriori vexacione sua, quindecim pensas denariorum Viennensium dare et refundere eidem Zolou (debeat), suarum nomine expensarum, quam pecuniam idem Zolou confessus est coram nobis ab eodem clerico se plenarie recepisse, tali condicione interiecta, quod quicunque processu temporis predictum clericum, uel ab eo descendentes consimili questione in judicio uel extra judicium temptauerit propulsare, memoratus Zolou eidem clerico uel ab eo descendentibus in ipsorum defensionis auxilium teneretur assistere et astare tamquam adiutor et defensor proprijs laboribus et expensis; si uero aliquis de cognacione sepedicti Zolou eundem clericum, uel eius posteros ullo unquam tempore traxerit in predicte recidiue scrupulum questionis, extunc idem Zolou sepedictum clericum uel ab eo descendentes teneretur mediis omnibus expedire. In cuius rei testimonium et perpetuam firmitatem presentes nostras concessimus litteras sigilli nostri munimine roboratas, anno Domini Mş CCş octogesimo (így) quarto in festo Beate Marie Magdalene.

(Megviselt hártyán írva. Nehezen olvasható. A még ép pecsét veres, sárga és ibolyaszinű selymen függ; - Pozsonykáptalani országos levéltár Capsa XIV. Fasc. 9. Nr. 4. Knauz.)