Vniuersis presentes litteras inspecturis Maria filia Regis Hungarie, Principissa Salernitana et Honoris Montis Sancti Angeli Domina salutem in eo, qui est omnium vera salus. Noueritis, quod nos presentialiter recepimus et habuimus per manus religiosorum virorum fratrum Hugonis de Sancto Edmundo Prioris fratrum Predicatorum Chelmerfordie, et Walteri de Seggefeld ejusdem ordinis ab Excellentissimo Principe domino Hondoardo Dei gracia Illustri Rege Anglie, carissimo consanguineo nostro, octingentas uncias auri ponderis generalis pro valore duorum millium librarum Turonensium ex dono facto carissimo domino et consorti nostro Principi per Inclitum Regem Anglie supradictum. In cujus rei testimonium et predictorum fratrum cautelam presentes litteras exinde fieri fecimus nostri pendentis sigilli munimine roboratas. Datum in Castro Nouo prope Neapolim anno millesimo ducentesimo octuagesimo quinto, vicesimo septimo die mensis Julii, tercie decime indiccionis.

(Rymer Tamás és Sanderson Robert: Foedera, Conventiones, litterae et cuiuscunque generis acta publica inter Reges Angliae et alios quosvis Imperatores, Reges, Pontifices, Principes vel Communitates, Clarke Ádám és Holbrooke Frigyesféle kiadás London 1816. I. köt. 1. r. 660. l., v. ö. Fejér Cod. Dipl. V. k. 3. r. 309. l.)