A B C

Uniuersis Christi fidelibus presentes litteras inspecturis Capitulum Ecclesie Posoniensis salutem in Domino. Ad vniuersorum noticiam tenore presencium volumus peruenire, quod Paulus frater Comitis Pannini de Zoph, accedens in nostram presenciam a nobis cum instancia postulauit, vt unum ex nobis mitteremus, coram quo Mirizlov filius Petri de Ana cognatus suus, decumbens in extremis, suum conderet testamentum. Peticionibus igitur eiusdem annuere cupientes, ut tenemur, ydoneum virum, Arnoldum sacerdotem de Villa Sancte Marie, ad eundem Mirizlov vice et nomine nostro duximus transmittendum, qui quidem homo noster, simul cum eodem Paulo, et Teke seruo Mirizlov, ad nos rediens dixit nobis, quod prefatus Mirizlov inter ceteras ordinaciones testamenti sui, compos aduc (így) et sane mentis, eundem Teke, et matrem suam Scimtov uocatam pro remedio anime sue, presentibus Agnete sorore sua et aliis cognatis suis consensum suum prebentibus, manumisisset, et tradidisset perpetue libertati in filios filiorum, dando eisdem inantea, standi, eundi, et manendi, ubicunque, et apud quoscunque uoluerint liberam facultatem. In cuius rei memoriam presentes concessimus litteras sigilli nostri munimine roboratas. Datum anno Domini millesimo ducentesimo octuagesimo quinto.

(Hártya. A pecsét nemzeti selymen függ. Pozsonykáptalani országos levéltár Capsa XIV. Fasc. 23. Nr. 16. Knauz.)