Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus tam presentibus quam futuris presentem paginam inspecturis salutem in omnium saluatore. Ad uniuersorum noticiam harum serie uolumus peruenire, quod Nicolaus et Marcellus filij Ilarij fideles nostri, ad nostram accedentes presenciam nobis referre corauerunt, quod olim dominus Bela Serenissimus Rex Hungarie felicis recordacionis, auus noster karissimus, pro seruicijs ipsorum, specialiter pro annunciacione sanitatis domini Regis Stephani clare memorie patris nostri karissimi, in expugnacione et conflictu Bulgarorum tunc agentis, vltra castrum Lom uocatum, iuxta fluuium Izker, quo dictum Marcellum dominus Rex Bela auus noster in officio legacionis seu uisitacionis destinauerat, sicut series ipsius negocij in priuilegio dicti Regis Bele aui nostri exinde confecto plenius continetur, eis quandam terram, super qua quidam Hovran nomine residebat temporibus retroactis, in Lyptou iuxta fluuium Waag et Medekus Potoka existentem, contulisset suo priuilegio mediante, petentes a nostra Celsitudine cum instancia, vt donacionem de ipsa terra eis factam ratam habere, et patrocinio noui sigilli nostri Regalis seu priuilegij dignaremur de benignitate Regia confirmare. Nos igitur, quibus ex officio suscepti regiminis nostri incumbit metiri et pensare merita singulorum, et vnicuique iuxta suorum meritorum exigenciam respondere, commendabilem fidelitatem et grata obsequia eorumdem Nicolay et Marcelli, que ijdem primum domino Regi Bele auo nostro, et postmodum domino Regi Stephano patri nostro karissimo, ac consequenter nobis et Regno in diuersis expedicionibus tam generalibus quam particularibus, cum omni fidelitatis studio inpenderunt, attendentes, volentesque pro tanto ipsis remuneracionis beneficio occurrere Regio cum fauore, habito super hoc in generali congregacione tocius Regni nostri in Rakus celebrata, omnium Prelatorum et Baronum nostrorum consilio et consensu, predictam terram, in qua quidam Houran, sicut premisimus, olim residebat, cum omnibus vtilitatibus et pertinencijs suis vniuersis, ad instar donacionis Regis Bele aui nostri, iuxta tenorem priuilegij eiusdem, prenotatis Nicolao et Marcello, ac ipsorum heredibus descendentibus in futurum de eisdem, reliquimus perpetuo pacifice possidendam; volentes, vt presens nostra ratihabicio et confirmacio, prioris donacionis domini Regis Bele aui nostri perpetuum et irreuocabile sit munimen. In cuius rei memoriam et perpetuam firmitatem presentes concessimus litteras duplicis sigilli nostri minimine roboratas. Datum per manus venerabilis patris Thome Dei gracia Episcopi Waciensis, aule nostre Cancellarij, dilecti et fidelis nostri, anno Domini Mş ducentesimo octuagesimo sexto, septimo Idus Julij, Regni autem nostri anno quartodecimo.

Jegyzet. Eredetie bőrhártya, melynek alúl fölhajtott hasadékaiból vörös és kék selyemről függő pecséte rongyba van varva, melyben apró darabokra morzsoltatott. A Hunt-Pázmántól eredett Kubinyi nemzetség levéltárából. Érdy.