† In Christi nomine Amen. Anno Natiuitatis eiusdem millesimo ducentesimo octuagesimo sexto, die Jovis ultimo mensis Februarii quartodecime indictionis. Temporibus domini L. Dei gratia Serenissimi Regis Hungaria, venerabilis patris domini G. Dei gratia Traguriensis Episcopi, et Magnifici viri domini Georgii Traguriensis Comitis, ac nobilium virorum dominorum Decce Amblasij, Duymi Domiche, et Mathei Luce Mathei Traguriensium Judicum. Cum inter cetere statuta, que in capitulari Communis Civitatis Traguriensis habentur, pateat euidenter, per ipsum Cummunie Civitatis Traguriensis statutum et ordinatum esse, quod nullus ex civibus Traguriensibus auderet vel deberet ab aliquo extraneo siue forensi aliqua bona siue possessiones emere, vel in cambium siue in donum vel aliquo modo suscipere aliquid de bonis et possessionibus ipsius extranei vel forensis, qui essent in Civitate Traguriensi vel ejus districtu, quod juri consonum non esse videtur; et sapientum sit in melius reuocare conscilia, ideoque predicti Judices Tragurienses et totum Conscilium Ciuitatis Traguriensis unanimiter et concorditer per se suosque successores nomine et pro parte dicti Communis Traguriensis dederunt et contulerunt omnibus et singulis civibus Ciuitatis Spaleti, qui bona aliqua siue possessiones habent in Ciuitate uel in districtu Ciuitatis Traguriensis per hoc presens publicum instrumentum plenam immo plenissimam uirtutem et liberam potestatem, ipsa bona et possessiones omnes vel singulas libere atque quiete, quod non obstante vel prejudicante capitulari sive statuto predicto absque aliqua Communis Ciuitatis Traguriensis molestia, impedimento vel contradictione cuiuscumque vel quibuscumque uoluerint, ut res et bona sua propria vendendi, donandi, obligandi, permutandi et suam ex ipsis in perpetuam omnimodam facere uoluntatem; non minus predicti Judices et Conscilium dederunt, contulerunt et concesserunt omnibus etiam suis ciuibus Traguriensibus, quod non obstante vel prejudicante statuto predicto Ciuitatis Traguriensis, absque aliquo impedimento, molestia, vel contradictione sibi inde inferendis, plenam uirtutem, licentiam habeant et omnimodam potestatem, ab omnibus ciuibus Spaletensibus ipsorum bona et possessiones, que et quas habent in Ciuitate vel in districtu Ciuitatis Tragurii, emendi, permutandi, in donum et pignus suscipiendi, et omne genus contraetus cum eis, et de ipsis bonis et rebus cum dictis Ciuibus Spaleti faciendi, quid de utriusque parcium uoluntate placuerit faciendum. Et ut predicta omnia et singula robur optineant firmitatis, que ipsi Judices et Conscilium per se suosque successores nomine dicti Comunis per hoc publicum instrumentum firma et rata habere atque tenere promiserunt, et non contra facere uel uenire, se obligarunt cum bonorum sepe dicti Communis Traguriensis obligatione. Actum in camera Communis presentibus domino Johannicha Casoctj, domino Luca Mathei et aliis, ac domino Dessa Duymi examinatore.

Ego Dessa Duymi examinator conscius examinavi.

Ego Sanctorius Tragurie juratus et confirmatus Notarius scripsi hoc instrumentum, quia hijs omnibus rogatus interfui, et meo signo signaui.

(A bécsi cs. k. titkos udvari levéltárban őrzött hiteles másolat után.)