Lacizlaus Dei gracia Rex Hungarie etc. significamus:

quod Gregorius filius magistri Emerici de genere Osl fidelis parvulus noster, accedens ad nostram presenciam, quandam terram Byka vocatam sine herede decedencium a tempore Tartarorum vacuam et habitatoribus destitutam, et in faciem eiusdem terre ecclesiam in honore Sancti Nicolay constructam, in Comitatu Jauriensi existentem humuliter petivit a nobis sibi dari Nos siquidem stb., aliquos ex suis actibus - - - quedam per presentes duximus declaranda. Specialiter cum sub castro Pystien fuissemus cum omni exercitu Regni nostri super infideles nostros filios Henrici Bani, videlicet Johannem et Nicoluum - - - idem Gregorius cum proximis suis, Herbordo filio Herbordi, et Inda filio Petri pro nobis et Regno nostro per eosdem infideles nostros exstiterunt captivati, et idem Gregorius de eadem captivitate cum ducentis marcis se redemit; exceptis possessionum suarum spolijs et dissipacionibus. Sic igitur - - - - - in recompensacionem ipsius servicij et damnorum suorum terram Byka nuncupatam iuxta Mezeuraba adiacentem, cui a parte meridionali Moruchyda vicinatur, et a parte septemtrionali similiter vicinantur nobiles de Bobwd et Musunien - - de consensu et beneplacito omnium Prelatorum, Archiepiscoporum, Episcoporum et Baronum uostrorum dedimus etc. Datum per manus magistri Theodori Albensis Ecclesie Prepositi aule nostre Vice-Cancellarij MCCLXXXVIIş.

(Az eredeti után Czech. Tivadar királyi alkanczellár ugyanazon évi más okmányokban czímeztetik „Prepositus Scibiniensis”, vagy „Prepositus Scebeniensis, Sancte Albensis Ecclesie Electus”. L. Fejér Cod. Dipl. V. k. 3. r. 339. sk. ll. Czechnek másolatából kitetszik, hogy az maga az eredeti után készült ugyan, de igen elhamarkodva.)