Nos Capitulum Ecclesie Beati Michaelis Archangeli Transsiluane memorie commendantes tenore presencium significamus quibus expedit vniuersis, quod magister Johannes lapicida filius Tynonis de ciuitate Sancti a Deo dati in propria persona coram nobis constitutus, ex pacto inito cum venerabili patre domino P. Episcopo, Prelato nostro obligauit se eleuaturum murum ecclesie nostre, uidelicet ecclesie Beati Michaelis Archangeli et ipsius muri adiacencia, prout columnas simul cum turri seu campanili intus et exterius cum lapidibus politis, preter interiorem partem turris a parte meridionali, incipiens ab antiquo opere, et continuando ipsi antiquo operi iuxta hostium, per quod dominus Episcopus in ecclesiam intrare solet, et in suum redire palacium, in ea altitudine in toto, in qua murus ipsius ecclesie super dictum hostium per antiquum opus exstitit elenatus pro quinkaginta marcis terrestris argenti, et minoris ponderis, de quibus quinkaginta marcis, predicto magistro J. racione cuiusdam homicidij alio die Albe perpetrati idem dominus Episcopus, in memorati operis incoacione solvit octo marcas, et in toto eidem magistro J. complebit in terminis infrascriptis. A data videlicet presencium usque octavas Passce singulis mensibus singulas marcas persolvet, in ipsis enim octavis Passce dabit sex marcas, in octavis Ascensionis Domini decem marcas, in festo Beati Johannis Baptiste iterum decem marcas, in festo Beati Jacobi Apostoli residuas decem marcas proxime venturis, ita tamen, quod si forte idem magister Johannes opus suum ante ipsa tempora perficere poterit, dominus Episcopus similiter ante eadem tempore quantitatem memorate pecunie, scilicet ipsarum quinquaginta marcarum sibi tenebitur integrare; nichilominus ab ipsa data presencium pretactus magister Johannes cum uno socio sibi adjuncto in poliendis lapidibus statim absque medio aliquo debet ipsum opus incoare, et per totam iemem absque aliquali intermissione laborare, lapides tamen, cementum, arenam, aquam et lignamina, si que erunt pro ipso opere necessaria, dominus Episcopus deferri faciet, et deponi iuxta ecclesie fundamentum ponenda, ordinanda, et locanda, in opere, prout debent labiribus magistri Johannes memorati - - perfecto enim opere dominus Episcopus secundum suum honorem assumpsit se uestiturum magistrum Johannem supradictum. Datum in festo Omnium Sanctorum anno Domini Mş. CCş. octuagesimo, septimo.

(Teutsch és Firnhaber, Urkundenbuch zur Geschichte Siebenbürgens I. k. 139. l.)