Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex vniuersis presentes litteras inspecturis salutem in eo, qui Regibus dat salutem. Regalis sublimitas suorum subditorum fidelia et multiplicia obsequia debet et consueuit intueri occulo perspicaci, et eis digne remuneracionis premijs respondere iuxta eorum prerogatiuam et exigenciam meritorum. Hinc est, quod ad uniuersorum noticiam tenore presencium volumus peruenire, quod cum fidelis noster Jocobus Judex ciuitatis nostre Posoniensis in multis et arduis negocijs Regni nostri et nostris nobis deuotissime multipliciter et fideliter seruiuisset in feruore fidelitatis eximie persistendo, in legacionibus nostris perferendis ultra terminos Regni nostri, pluribus uicibus suam personam fortune casibus et periculis exponere non formidans; nos considerantes eius obsequiosa merita et meritoria obsequia, specialiter fauore Regio prosequenda, et ei volentes dignis occurrere donatiuis; vt alij eius exemplo ad amplioris fidelitatis studia fidelius et deuocius excitentur; maxime pro instantissimis peticionibus venerabilis patris domini Lodomerii miseracione Diuina Strigoniensis Archiepiscopi et Comitis perpetui loci eiusdem, dilecti et fidelis nostri; cui tanquam patri nostro spirituali et specialiter reuerendo, in rebus spiritualibus sincere submittimus caput nostrum, quem omni bono prosequimur et honore, terram custo dum silue castri nostri Posoniensis retro ipsum castrum Posoniense coustitutam, inter duos fluuios Wydriche nuncupatos, a iurisdiccione et proprietate eiusdem castri nostri et Comitis sui, et jobagionum suorum excipientes, auctoritate presencium, et pariter eximentes, vna cum suis utilitatibus, videlicet chybrionibus vinearum, locis molendinorum et villis, qui et quas idem Jacobus Judex fecerit, parauerit, construxerit et posuerit in terra eadem, et insulis, nemoribus, fenilibus, virgultis et alijs pertinencijs, et attinencijs vniuersis, eidem Jacobo Judici, et per eum suis posteritatibus dedimus, donauimus et contulimus jure perpetuo pacifice possidendam, a tempore videlicet introitus antiquorum Tartarorum hactenus desertam, vacuam et suis habitatoribus destitutam, concedentes et assignantes eisdem ipsam terram et eius vtilitates, sub eisdem metis, terminis et limitacionibus, et in eadem plenitudine, sub quibus predicti custodes silue dinoscuntur eam antea possedisse. Cuius quidem termini terre taliter distinquuntur, sicut ab ore venerabilis viri magistri Pauli Prepositi Strigoniensis, Legum Doctoris, et Administratoris Quinque Ecclesiarum, dilecti et familiarius clerici domus nostre, in hac parte nuncij eiusdem domini Archiepiscopi, recollegimus et didicimus seriatim, quod eadem terra situata retro castrum Posoniense inter duos riuulos, quemadmodum est premissum, quorum vnus a parte castri Posoniensis Nog Wyzdrice nuncupatur, et alter a parte castri Posoniensis Nog Wyzdrice nuncupatur, et alter a parte castri Dywen Ozzywizdrice appellatur; et qualitas et quantitas eiusdem terre est tanta, quod potest eadem sufficere cum siluis, virgultis, terris non arabilibus et paucis arabilibus ad triginta aratra; et alie mete ibidem non sunt, nisi quod ijdem duo riuuli distinquunt terras castri Posoniensis et terras castri nostri de Dywen. Latitudo autem ipsius terre incipit ab oriente a parte castri Posoniensis, et protenditur usque ad terras predicti castri de Dywen ad occidentem, et potest habere in latitudine spacia ad longitudinem viginti jugerum. Longitudo vero incipit a parte meridionali a Danubio inter eosdem riuulos, et protenditur ad septemtrionalem partem vsque ad magnam viam, per quam itur in villam Stumpa, et ibi finitur. Et quia donaciones Regum sunt largius interpretande, volumus firmiter statuentes, vt (preter) ipsum Jacobum Judicem et eius filios et successores, in predicta terra et suis vtilitatibus nec Comites Posonienses, qui pro tempore fuerint constituti, nec aliquis officialium vel jobagionum suorum habeant aliquam potestatem ex huiusmodi excepcione nostra, totum ius et dominium dicte terre et vtilitatum suarum in personas eiusdem Jacobi, Judicis videlicet et posteritatum suarum in perpetuum transferentes; ita vt ex hac donacione nostra eiusdem terre et vtilitatum suarum veri domini et legitimi possessores effecti, eandem terram possidendi, et de ea quodlibet aliud feciendi, vna cum suis vtilitatibus, iuxta suarum arbitrium et lubitum voluntatum liberam habeant licenciam et plenariam facultatem. Vt igitur huius donacionis nostre series robur optineat perpetue firmitatis, nec possit per quempiam hominum irritari seu eciam retractari, presentes litteras eidem Jacobo Judici duplicis sigilli nostri munimine dari fecimus communitas. Datum per manus venerabilis patris domini Th. Episcopi Waciensis, aule nostre Canceliarij dilecti et fidelis nostri, anno Domini Mş CCş LXXXş VIIIş quarto Idus Aprilis, Regni autem nostri sextodecimo.

(Eredetie Pozsony sz-k. város levéltárában.)