A. B. C.

Vniuersis Christi fidelibus presentes litteras inspecturis Capitulum Ecclesie Posoniensis salutem in Domino. Ad vniuersorum noticiam tenore presencium volumus perueuire, quod relicta Potko filia Pauli Els vocata, simul cum Aglenc filia sua ab una parte, Marcello filio Mychaelis et Paulo genero eiusdem de Scemet ab altera constitutis, personaliter coram nobis eadem relicta est confessa, quod cum ipsa super morte eiusdem Potko mariti sui contra eosdem Marcellum et Paulum materiam questionis suspicionis nomine susscitasset; licet super huiusmodi suspicione inter partes fuisset diucius disceptatum, ad ultimum tamen per composicionem proborum uirorum in decem marcis concordassent, quas videlicet decem marcas eadem relicta et filia sua antedicta ab eisdem Marcello et Paulo se plenarie recepisse asserentes, eosdem Marcellum et Paulum iu nostri presencia super eadem suspicione reddiderunt innoxios et immunes et penitus expeditos; obligacione huiusmodi interserta, quod quicunque processu temporum eosdem Marcellum et Paulum super morte dicti Potko mariti sui temptauerit propulsare, eadem relicta et filia sua supradicta tenebuntur expedire proprijs 330laboribus et expensis. In cuius rei memoriam presentes concessimus litteras sigilli nostri munimine roboratas. Datum in Dominica proxima ante festum Natiuitatis Beati Johannis Baptiste, anno Domini M°CC° octuagesimo octauo.

(Hártya. - A még ép pecsét hártyazsinegen függ. - Pozsonykáptalani országos levéltár. Capsa XIV. Fasc. 22. Nr. 1. Knauz.)