In nomine Christi Amen. Anno Natiuitatis eiusdem 1288. ind. prima, die 3-a mensis Aprilis, temporibus Illustris et egregii domini Johannis Danduli D. g. Ducis Venetiarum, et nobilis ac potentis viri domini Ruberti Quirino Potestatis Insularum Phare et Bracie. Intorta questione inter Clementem Grubisse et Mixam Petranich de insula Bracie super quandam terram vocatam Dobri Zirje, nobilis vir Franciscus Polani, miles et Vicarius in Bracia prefati domini Potestatis Ruberti, existens super loco differencie una cum suis judicibus de Bracia, nobilibus Cherusio Obelgano, Dobreza et Ceprigna Prodani, adjudicavit et sententiavit cum eis post audicionem testium et lecturam scripturarum, dictam terram de Dobro Zirje esse et pertinere Mixe Petranich, in presencia Mathei Jurjevich, Climpse Dobranich nobilium de Bracia et Pauli Osoris nobilis et habitatoris de Phara.

Et ego Crasovus filius Petri de Spalato, juratus scriba Communis Bracie scripsi et manu mea roboravi.

(Ciccareli után. Osservazioni sulla isola della Brazza, Velencze 1801. 112. l. Czech.)