A. B. C.

Vniuersis Christi fidelibus presentes litteras inspecturis Capitulum Ecclesie Posoniensis salutem in salutis actore. Ad vniuersorum noticiam tenore presencium volumus peruenire, quod constituti coram nobis personalter Arnoldus filius Andree de inferiori Zopy, de Comitatu Jauriensi pro se et pro Desiderio et Andrea filijs Sacud, ac pro omnibus alijs cognatis suis in proximiori linea sibi attinentibus ab una parte, et Jacobus filius Betchkez de superiori Zopy de Chollokuz ab altera sunt confessi oraculo uiue vocis, quod cum susscitata fuisset inter ipsos materia questionis super quadam particula terre Zopy uocata, scilicet viginti et quinque jugeribus terre in Chollokuz existentibus, quam idem Arnoldus ab ipso Jacobo recipere et pro se occupare intendebat, et diu ordine iudiciario altercati - - - ad ultimum per iudicium Eberhardi Comitis Posoniensis idem Arnoldus cum predicto Jacobo in proprijs personis duelli certamen, in - - quo quidem conflictu duelli ipse Arnoldus fortuna sinistrante superatus et deuictus exstitisset per Jacobum supradictum, et ideo ipsa viginti et quinque iugera terrarum arabilium eidem Jacobo et per eum suis heredibus heredumque suorum successoribus restituisset iusticia exigente quiete et libere perpetuo possidenda, obligando se, quod quicunque processu temporum ipsum Jacobum, pro viginti et quinque jugeribus de cognatis eiusdem Arnoldi superius expressis uexare uel inpetere de cetero attemptauerit, idem Arnoldus teneretur eum expedire proprijs laboribus et expensis. Datum anno Domini M°. C°C°.L°X°X°X°. nono, in quindenis Beati Georgij Martiris.

(Szakadozott hártya. A már leesett pecsét hártya a zsinegen függött. - Pozsonykáptalani országos levéltár Capsa XIV. Fasc. 17. Nr. 11. Knauz.)