Nos frater Thomas miseracione Diuina Abbas Tihoniensis memorie commendamus significantes vuiuersis, quod terras nostras in Strigonio existentes Vrkuta vocatas, pro vineis aptas, dedimus et contulimus populis de eadem ciuitate sub tali condicione et libertate. Primo et principaliter magistro Chepano Canonico Ecclesie Strigoniensis vnam vineam propriam, tenetur nobis soluere annuatim quinquaginta denarios Vyennenses. Insuper juxta eandem vineam viginti duos amplexus terre cum amplexu Regio, de quibus nullum pactum nobiscum fecit. Ibidem juxta eandem viam vinea Adalberti fili Miko hoc anno plantata, de qua ab isto anno incipiendo anno quinto quinquaginta denarios annuatim soluere tenebitur. Juxta vineam eciam eiusdem magistri Chepani antedicti a parte meridionali vinea Ladizlai fabri, pro qua anno secundo quinquaginta denarios soluere tenebitur. A parte eiusdem vinee orientali vinea Petri fili Mark, pro qua annuatim ab anno secundo quinquaginta denerios. Item circa eandem vineam vinea Petri filij Lyberch, de qua annuatim ab anno secundo incipiendo quadraginta denarios. Item ibidem vinea Mychaelis sartoris, pro qua ab isto anno incipiendo annuatim quinquaginta denarios. Item ibidem Marcus Ympa, pro qua a tercio anno incohato annuatim quinquaginta denarios. Item vinea Jacobi Luaz, pro qua a quinto anno incipiendo annuatim quinquaginta denarios. Item vinea Pechke filii Symonis, pro qua a quarto anno incohato annuatim quinquaginta denarios. Item Johannes filius Cheech a quarto anno incipiendo annuatim quinquaginta denarios. Item Paulus filius Pousa ab anno secundo quinquaginta denarios. Item Paulus filius Mychaelis de media vinea a quinto anno annuatim viginti quinque denarios. Item Maranus filius Furna de media vinea similiter quinto anno viginti quinque denarios. Item Nycolaus filius Petri quinque anno similiter viginti quinque denarios. Item Chede carnifex similiter viginti quinque denarios anno tercio. Item Nycolaus filius Pauli quadraginta denarios anno tercio. Item Jurd anno quarto viginti quinque denarios. Item Boch et Stephanus quinquaginta denarios anno quarto. Ita videlicet, quod totam istam solucionem in octauis Sancti Mychaelis Archangeli in autumpno facere tenebuntur, et si facere recusarent, cum duplo soluere teneantur, sicut ad hoc se firmiter obligarunt spontanea voluntate. Prefatas ergo vineas ipsi et sui heredes heredumque successores sub eadem libertate vendere inter ipsos valeant atque possint; ita eciam, quod si vinee memorate inculte remanerent, itareto nobis deuoluentur possidende. Datum anno Domini M° CC° octoagesimo nono. Paulo Custode nostro, Clemanno sacerdote, Benedicto Cantore existentibus.

(Az esztergami káptalannak 1289. XV. Kal. Julii alatti megerősítéséből, a veszprémi káptalan 1353. Oculi vasárnapján kelt átírata szerint, mely a sz. mártoni főapátság levéltárában őríztetik.)