Ladizlaus Dei gracia Rex Hungarie fideli suo Ladizlao Comiti Soproniensi salutem et graciam. Sagittarij nostri de willa Lwer iuxta Sopronium constituti dicunt nobis conquerendo, quod tu compelleres eos exhibere tibi seruicium, ad quod ijdem antiquitus non tenebantur. Vnde cum Bela auus noster et Stephanus pater noster, Incliti Reges Hungarie felicium recordacionum, et nos eosdem sagittarios pro conservacione Castri nostri Supruniensis hospitibus de eodem, mediantibus priuilegijs, adiunxerimus, in eorundem libertate hospitum permansuros, fidelitati vestre precipiendo mandamus, quatenus predictos sagittarios nostros raciones premissa non molestes, sed permittas eos in libertate sua per nos et per progenitores nostros eis concessa manere pacifice et quiete. Cum ipsos in ea velimus conservare, et aliud favere non presumas, sicut nostram graciam caram habes. Datum prope Iwanushyda in festo Sancti Jacobi Apostoli.

(Soprony város levéltárából. Hatvani Mihály.)