Andreas miseracione Diuina Episcopus Agriensis ad vniuersorum noticiam, quorum interest vel interesse poterit, volumus peruenire per presens scriptum, quod Judex, ciues, et vniuersitas hospitum de Cassa nostre Diocesis, dilecti in Christo filii nostri, ad nostram personaliter accedentes presenciam, a nobis cum deuota precum instancia supplicantes pecierunt, vt ipsos et Ecclesiam eorum ab indebita vexacione parochialis Archidiaconi et immoderato Diuinorum interdicto, vt hactenus frequenter accidit, petendo pro quolibet casu mortis hominum sexus vtriusque penalem marcam pro homicidio quouis modo, siue appareat siue non homicida, alleuiare dignaremur. Nos igitur volentes effrenate ambicionis vicium refrenare, et quod informe est reformare, ex officii nostri debito, et pie condescendere petentibus, peticionem et vota Judicis et hospitum predictorum, cum sint filii eciam vterini (így) Ecclesie, paterna mansuetudine amplectentes, Ecclesiam ipsorum nedum aggrauamine homicidiorum petito, verum eciam ab omni jurisdiccione Archidiaconi parochialis authoritate presencium amore hospitum predictorum duximus eximendam. Concessimus eciam, vt omnes causas spirituales in eadem villa emergentes Rector siue sacerdos ipsius Ecclesie de Cassa judicare possit, et ad quod vel ad quas ipsius pericia non sufficeret judicandas, in his sit ad nos recurrendum. Datum in Zekes anno Domini Mş CCş nonagesimo.

(Imre egri püspök 1382-ki megerősítő okmányából, mely kelt „Agrie in vigilia Beati Mathei Apostoli et Evangeliste”, és őriztetik Kassa város levéltárában. Kivonatát közölte Fejér Cod. Dipl. VI. k. I. r. 73. l.)