(A)ndreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentem paginam inspecturis salutem in omnium saluatore. Ad universorum noticiam tenore presencium harum serie volumus pervenire, quod uillicus et hospites nostri de Deeswar ad nostram accedentes presenciam exhibuerunt nobis priuilegium karissimi fratris nostri Regis Ladizlay clare memorie, formam et tenorem priuilegij karissimi aui nostri, Stephani Regis Illustris recordacionis continentis et confirmantis seriem eciam litterarum Ireney Bani quondam Transciluani includentis, super facto status libertatis ipsorum confectum, petentes a nobis cum instancia ut ipsum priuilegium ratum habere et nostro dignaremur priuilegio confirmare, cuius quidem priuilegij tenor talis est:

Ladizlaua Dei gracia stb. (következik IV. László király 1279-ki okmánya, mely olvasható Okmánytárunk IV. kötetében 180. l.)

Nos igitur iustis et legitimis peticionibus dictorum hospitum nostrorum de Deeswar, fauorabilium consensum adhibentes, predictum priuilegium karissimi fratris nostri formam, et tenorem priuilegij dicti karissimi aui nostri Stephani Regis continentis et seriem litterarum Ireney Bani quondam Transsiluani in eisdem confirmantis, super facto libertatis ipsorom confectum, ut premisimus, non cancellatum, non abrasum, nec in aliqua sui parte uiciatum, ratum habentes et acceptum, de uerbo ad uerbum presentibus inseri faciendo, patrocinio nostri priuilegij duximus confirmandum. In cuius rei memoriam perpetuamque firmitatem presentes concessimus dupplicis sigilli nostri munimine roboratas. Datum per manus discreti viri magistri Theodori Albensis Ecclesie Prepositi, aule nostre Vice Cancellarij, dilecti et fidelis nostri. Anno Domini Mş CCş nonagesimo primo. Regni autem nostri anno primo.

(Eredetie Dézs város levéltárában. Szabó Károly.)