Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex vnniuersis Christi fidelibus tam presentibus quam futuris presens scriptum inspecturis salutem in Domino sempiternam. Ad uniuersorum noticiam tenore presencium volumus peruenire, quod Abbas et Conuentus Monasterii Beate Virginis de Monte Sancte Marie de Kedhel ad nostram accedendo presenciam exhibuerunt nobis exemplar priuilegii Ladislai Inclyti Regis Hungarie patruelis fratris nostri super terra Sydan vocata confectum, petentes a nobis cum instancia, ut nos exemplar ipsius priuilegii ratum habere et nostro dignaremur priuilegio confirmare. Cuius quidem exemplaris priuilegii tenor talis est:

Nos Ladislaus stb. (következik IV. László király 1277-ki megerősítő okmánya, mely olvasható Okmánytárunk IV. kötetében 77. l.)

Nos itaque attendentes peticionem eorundem Abbatis et Conventus Monasterii de Monte Sancte Marie fore iustam, considerantesque exemplar privilegii eiusdem Regis Ladislai fratris nostri non abrasum, non cancellatum, nec in aliqua sui parte viciatum, tenorem eiusdem de verbo ad verbum presentibus insertum, maxime cum collaciones progenitorum nostrorum Ecclesiis rite et legitime factas nollimus retractare, ratum habentes et acceptum, authoritate presencium confirmamus dupplicis sigilli nostri munimine roborando. Datum per manus venerabilis viri magistri Theodori Prepositi Albensis, aule nostre Vice-Cancellarii dilecti et fidelis nostri, anno Domini millesimo ducentesimo nonagesimo primo, quinto nonas Augusti, Regni autem nostri anno primo.

(Hevenesi kézirati gyűjteménye LIX. köt. 426. l.)