Andreas Dei gracia Ungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex vniuersis presentes litteras intuentibus, salutem in salutis largitore. Ad vniuersorum noticiam harum serie wolumus peruenire, quod discretus vir magister Haab Prepositus et Capitulum Ecclesie Posoniensis fideles nostri ad nostram accedentes presenciam, exhibuerunt nobis priuilegium domini Ladizlai clare memorie Illustris quondam Regis Vngarie, patruelis nostri karissimi, super facto, seu donacione quarumdam villarum Samud, Welk et Kurth uocatarum, ac super quibusdam piscaturis, olim confectum, petentes a nostra Celsitudine cum instancia, vt donacionem de predictis villis et piscaturis Prepositure et Ecclesie Posoniensi factam ratam habere, et ipsum priuilegium domini Ladizlai Regis innouando, nostro dignaremur priuilegio confirmare. Cuius quidem priuilegij tenor talis est:

Ladizlaus stb. (következik IV. László király 1277-ki okmánya, mely olvasható Okmánytárunk IV. kötetében 81. l.)

Nos igitur peticionem dictorum magistri Haab Prepositi et Capituli Posoniensis fidelium nostrorum considerantes fore legitimam et consentaneam racioni et ea, que per ipsum dominum Regem Ladizlaum patruelem nostrum intuitu pietatis, ac pro remedio anime suorum progenitorum, Illustrium Regum Hungarie ac ipsius, prefato Preposito et Capitulo Posoniensi data et collata exstiterunt, rata habentes et nichilominus approbantes, predictum priuilegium innouando et de uerbo ad uerbum presentibus inseri faciendo, de Prelatorum et Baronum nostrorum, qui presentes aderant, consilio, duximul confirmandum. Ita, quod presens nostri (így) ratihabicio, innouacio et confirmacio prioris donacionis irreuocabile et perpetuum sit munimen. Volentes et edicto Regio, perpetuo duraturo, concedentes, quod prenotatas terras, simul cum piscaturis ac earumdem vtilitatibus et pertinencijs vniuersis, memorati Prepositus et Capitulum Posoniensis Ecclesie perpetuo possideant pacifice et quiete. In cuius memoriam et perpetuam firmitatem presentes concessimus litteras, dupplicis sigilli nostri munimine roboratas. Datum per manus honorabilis et discreti viri magistri Theodori Prepositi Albensis aule nostre Vice-Cancellarij dilecti et fidelis nostri, anno Domini Mş CCş nonagesimo primo. Regni autem nostri anno secundo.

(Kiírva a Capsa C. Fasc. 7. Nro. 73. számból. A pozsonykáptalani magánlevéltárból. Knauz.)